Дастаи мунтахаби ҷавонони Тоҷикистон бар дастаи Чин бо ҳисоби 2:0 ғолиб омад
Душанбе, 19.10.2016 /АМИТ «Ховар»/. Дастаи мунтахаби ҷавонони Тоҷикистон аввалин ғалабаи худро дар бозиҳои ниҳоии Чемпионати Осиё оид ба футбол, ки дар Баҳрайн идома дорад, ба даст овард. Дар бозии дуюми худ дар варзишгоҳи миллии Баҳрайн футболбозони мо бо дастаи мунтахаби Чин вохӯрда, бо ҳисоби 2:0 ғалаба карданд. Дар дақиқаи 3-юми вохӯрӣ баъди зарбаи ҷаримавӣ Эҳсони Панҷшанбе ҳисобро кушод. Дар нимаи дуюми бозӣ, дар дақиқаи 65-ум Нуриддин Ҳамроқулов тӯби ба сӯяш партофтаи Эҳсони Панҷшанберо бо зарбаи сар вориди дарвозаи футболбозони Чин гардонд. Дар натиҷа футболбозони тоҷик дар силсилаи ин рақобатҳо соҳиби се имтиёз гаштанд ва акнун 21 октябр бо дастаи мунтахаби Австралия қувва меозмоянд.
Дар бозии дигари ин гурӯҳ дастаҳои Австралия ва Ӯзбекистон бо ҳам вохӯрданд. Дар бозӣ футболбозони ӯзбек бо ҳисоби 3 бар 2 ғолиб омада, бе назардошти бозии охиринашон бо тими мунтахаби Чин ба бозиҳои чорякниҳоӣ роҳхат гирифтанд.
Акнун рӯзи 21 октябр дар вохӯрии асосии ҳалкунанда барои роҳхати дуюм аз гурӯҳи «Д» дастаҳои мунтахаби Тоҷикистон ва Австралия вориди майдон мешаванд. Натиҷаи мусовӣ барои ба даври чорякниҳоӣ роҳхат гирифтани дастаи мунтахаби ҷавонони Тоҷикистон кофӣ аст. Дар ин рӯз футболбозони Ӯзбекистон бо Чин қувва месанҷанд.
Ёдрас мешавем, ки дар бозии нахустин дастаи мунтахаби Тоҷикистон аз дастаи мунтахаби Ӯзбекистон бо ҳисоби 2:1 мағлуб шуда буд.
| Б | Ғ | М | Б | Т/т | И | |
| Ӯзбекистон | 2 | 2 | 0 | 0 | 5-3 | 6 |
| ТОҶИКИСТОН | 2 | 1 | 0 | 1 | 3-2 | 3 |
| Австралия | 2 | 1 | 0 | 1 | 3-3 | 3 |
| Чин | 2 | 0 | 0 | 2 | 0-3 | 0 |
Ҳафт паҳлавони тоҷик дар Чемпионати ҷаҳон оид ба гӯштини кураш дар Қазоқистон иштирок менамоянд
Дастаи миллии Тоҷикистон оид ба футзал бо дастаи мунтахаби Узбекистон бозиҳои дӯстона анҷом медиҳад
Дар ноҳияи Абдураҳмони Ҷомӣ Мусобиқаи кушод оид ба гӯштини тарзи озод байни наврасон оғоз гардид
Наврасони Тоҷикистон баъди ғалаба дар дивизиони «D» дар Боку ба Ватан баргаштанд
Президенти Кумитаи паралимпии Осиё ба натиҷаи иштироки дастаи мунтахаби Тоҷикистон дар Бозиҳои паралимпии Осиё баҳои баланд дод
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
Дастаи мунтахаби наврасони Тоҷикистон (U-17) бозии дуюми дӯстонаро бо Қатар мусовӣ анҷом дод
Дастаи мунтахаби наврасони Тоҷикистон (U-15) дар Чемпионати ҷаҳон-2026 оид ба футбол бар тимҳои Бермуд ва Филиппин пирӯз шуд
Варзишгарони паралимпии Тоҷикистон пас аз иштирок дар Бозиҳои V параосиёӣ ба Ватан баргаштанд
Ҳайати васеи дастаи мунтахаби Тоҷикистон оид ба футбол барои иштирок дар мусобиқаи «Кing’s Сup 2026» эълон гардид
«KING’S CUP 2026». Дастаи мунтахаби Тоҷикистон дар даври нимниҳоӣ бо тими миллии Умон бозӣ мекунад
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
