Дастовардҳои соҳаи табъу нашри миллӣ дар Намоишгоҳи шашуми байналмилалии «Китоби Душанбе» ба намоиш гузошта мешаванд

Октябрь 7, 2016 08:58

Душанбе, 7.10.2016 /АМИТ «Ховар»/. Имрӯз, 7 октябр дар саҳни бинои Иттифоқи нависандагони Тоҷикистон Намоишгоҳи шашуми байналмилалии «Китоби Душанбе» оғоз мегардад.
Намоишгоҳ ба ифтихори ҷашни 25-солагии Истиқлолияти давлатии Ҷумҳурии Тоҷикистон бо ибтикори Вазорати фарҳанги Ҷумҳурии Тоҷикистон доир гардида, ҳадафи асосии намоишгоҳ- ин ба маърази намоиш гузоштани комёбиҳо ва дастовардҳои соҳаи табъу нашри миллӣ дар даврони истиқлолияти Ҷумҳурии Тоҷикистон, тарғибу ташвиқи мероси адабии мардуми тоҷик, шиносоӣ бо адабиёти ҷаҳон, омӯзиши таҷрибаи ҷаҳонии соҳаи табъу нашри китоб, истифодаи таҷҳизоти муосири полиграфӣ ва дигар маводи чопӣ мебошад.
Дар барномаи Намоишгоҳи шашуми байналмилалии «Китоби Душанбе» бо иштироки муаллифони асарҳо ба тамошо ва фурӯш гузоштани маводи чопӣ дар мавзӯъҳои гуногун, китобҳои электронӣ, ҳамчунин намоиши дигар намудҳои маҳсулоти полиграфӣ, конфронси илмӣ-амалӣ, маҳфили шеъру суруд, муаррифии китобҳои тозанашр, барномаи консертӣ, суҳбатҳо ва мубодилаи афкор пешбинӣ шудааст.
Дар намоишгоҳ дар радифи ноширони ватанӣ намояндагони Русия, Эрон, Ҳиндустон, Чин, Туркия, Фаронса, ИМА, Олмон, Озарбойчон, Туркманистон ва дигар кишварҳо иштирок менамоянд.
Дар доираи намоишгоҳ озмуни «Беҳтарин китоб» аз рӯи се номгӯй- «Бадеият ва мазмун», «Ороиш ва сифат» ва «Асари илмӣ» муайян гардида, ғолибон ва иштирокчиён бо диплом ва мукофот қадрдонӣ карда мешаванд.
Намоишгоҳ аз 7 то 9 октябр идома меёбад.
Дар ин бора аз Вазорати фарҳанг и Ҷумҳурии Тоҷикистон ба АМИТ «Ховар» хабар доданд.

Октябрь 7, 2016 08:58

Хабарҳои дигари ин бахш

Дар Суғд ҷаласаи сайёри Кумитаи иҷроияи марказии Ҳизби Халқии Демократии Тоҷикистон доир гардид
Имрӯз дар Тоҷикистон сар задани селҳои пиряхӣ дар назар аст
ТАҚВИМИ АМИТ «ХОВАР»: имрӯз 12 август, сешанбе, 224-умин рӯзи соли 2025 аст
Барои хатмкунандагони муассисаҳои таҳсилоти миёнаи умумӣ ва таҳсилоти ибтидоӣ ва миёнаи касбӣ омӯзиши забони олмонӣ оғоз меёбад
Дурнамо ва густариши ҳамкорӣ байни Тоҷикистон ва Покистон баррасӣ гардид
Далер Наимов: «Дастаи мо аз шахсони зираку кордон иборат аст»
Имрӯз дар Душанбе ҳавои камабри бебориш дар назар аст
Дар шаҳри Истаравшан ҳунари шонасозӣ ривоҷи тоза меёбад
Имрӯз дар Тоҷикистон ҳаво то 40 дараҷа гарм мешавад
Имрӯз дар Тоҷикистон сар задани селҳои пиряхӣ аз эҳтимол дур нест
Имрӯз дар Тоҷикистон ҳавои тағйирёбанда дар назар аст
ҶАМЪБАСТИ НИШАСТҲОИ МАТБУОТӢ. Имрӯз дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад