Лоиҳаи нав оид ба таъмини бехатарии об дар деҳоти Тоҷикистон муаррифӣ гардид

Октябрь 25, 2016 16:39

          Душанбе, 25.10.2016/АМИТ «Ховар». Лоиҳаи «Манбаъҳои хурд ва бехатарии оби нӯшокӣ, васеъкунии ҳудуди ба нақшагирии  таъмини бехатарии об ва мониторинги самаранокии сифати об дар деҳоти Тоҷикистон» имрӯз дар Душанбе муаррифӣ гардид.

Лоиҳаи мазкур аз ҷониби Ҳукумати Финландия ва Ташкилоти  умумиҷаҳонии тандурустӣ  /ТУТ/ маблағгузорӣ гардида,  дар зарфи ду сол  дар ҳамкорӣ бо Вазорати  тандурустӣ ва ҳифзи иҷтимоии аҳолии Ҷумҳурии Тоҷикистон, ТУТ ва дигар шарикони рушд амалӣ гардонида мешавад. Лоиҳаи мазкур дар панҷ ноҳияи озмоишӣ, ки фарогири нуҳ деҳа, як маҳаллаи шакли шаҳрист, амалӣ гардонида мешавад.

Самти лоиҳаи муштарак  ба беҳтар намудани  сатҳи таъминоти  оби ошомиданӣ дар  деҳоти Тоҷикистон  тавассути дастгирии татбиқи нақшаҳои таъмини бехатарии об нигаронида шуда, он ба беҳтар гардонидани   идоракунии манбаи  обтаъминкунӣ ва дар заминаи он  ҳифзи саломатии аҳолӣ мусоидат менамояд.

Яке аз рукнҳои  асосии лоиҳа рушди стратегияҳои  самаранок барои  мониторинги сифати оби  ошомиданӣ дар деҳот  мебошад. Дар доираи лоиҳа барои  мутахассисони бахши  хизматрасонии санитарию эпидемиологӣ  омӯзишҳо оид ба  азхудкунии донишу малака ҷиҳати гузаронидани мониторинги  сифати об  дар асоси  арзёбии хавфҳо  гузаронида мешаванд. Дар робита ба ин,  таҷҳизоти  санитарию эпидемиологии хизматрасонӣ дар панҷ ноҳияи озмоишӣ  мукаммал гардонида мешавад, ки он барои босифат гузаронидани  ташхиси хусусиятҳои об мусоидат менамояд.

 

Октябрь 25, 2016 16:39

Хабарҳои дигари ин бахш

Дар Ҳисор варзишгарони имконияташон маҳдудро барои сазовор гаштан бо медалҳои тилло ва нуқра қадрдонӣ намуданд
Ғулом Ҳалимзода раиси Ҳизби сотсиалистии Тоҷикистон интихоб гардид
«ТОЗАГИИ МАҲАЛ». Дар Душанбе иқдоми экологии «Тозагии маҳал» ва «Тозагии роҳ» гузаронида шуд
НИШАСТИ МАТБУОТӢ. Солҳои охир таваҷҷуҳи ҷавонон ба соҳаи геология меафзояд
Пагоҳ Вазорати нақлиёт, Кумитаи бехатарии озуқаворӣ, Агентии авиатсияи гражданӣ ва Хадамоти алоқа нишасти матбуотӣ баргузор менамоянд
Санъат Раҳим: «Дар Вилояти Мухтори Кӯҳистони Бадахшон ва Хатлон ягон ҳодисаи нохуш ба қайд гирифта нашудааст»
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар Агентии хизмати давлатӣ, Хадамоти назорати давлатии бехатарии корҳо дар саноат ва соҳаи кӯҳкорӣ, Академияи идоракунии давлатӣ ва Саридораи геология нишасти матбуотӣ баргузор мегардад
ТАЪТИЛРО БОСАМАР ГУЗАРОНЕМ! Таҳти ин шиор Донишгоҳи байналмилалии забонҳои хориҷии Тоҷикистон озмуни китобхонии фосилавиро эълон намуд
Ваколатдор оид ба ҳуқуқи инсон ҷиҳати баланд бардоштани маърифати ҳуқуқии шаҳрвандон 46 машварати сайёри ҳуқуқӣ гузаронид
Пагоҳ дар Агентии хизмати давлатӣ, Хадамоти назорати давлатии бехатарии корҳо дар саноат ва соҳаи кӯҳкорӣ, Академияи идоракунии давлатӣ ва Саридораи геология нишасти матбуотӣ баргузор мегардад
Вазорати энергетика: «Воридот ва нархи гази моеъ таҳти назорати мақомоти ваколатдори соҳа қарор дорад»