Мӯҳсин Муҳаммадиев сармураббии нави КФ «Истиқлол»-и Душанбе таъйин шуд

Душанбе, 31.10.2016 /АМИТ «Ховар»/. Клуби футболи «Истиқлол»-и Душанбе имрӯз шартномаи худро бо Мӯҳсин Муҳаммадиев собиқ сармураббии дастаи мунтахаби Тоҷикистон дар бораи таъйин шуданаш ба мансаби сармураббии нави даста ба имзо расонд. Муҳлати шарнома се солро дарбар мегирад. Баъди анҷоми мавсими имсола Мӯҳсин Муҳаммадиев фаъолияти худро дар даста шурӯъ менамояд. Ёдрас мешавем, ки сармураббии дастаи «Истиқлол» -и Душанбе Мубин Эргашев баъди марҳалаи аввали мавсими футболи имсола бо ёваронаш аз вазифа сабукдӯш карда шуд ва «Истиқлол»-ро мураббии калони даста Нӯъмон Юсуфов ба унвони чемпионӣ расонд.
Мӯҳсин Муҳаммадиев пештар дар дастаҳои «Пахтакор»- и Қӯрғонтеппа (19841985); «Помир»-и Душанебе (19851992); «Локомотив»-и Маскав (19921993); «Спартак»-и Маскав (1994-1995) бозӣ кардааст. Чемпиони Русия дар соли 1994 мебошад. Дар ҳайати дастаи мунтахаби Русия як бозӣ гузаронида, муаллифи 1 тӯб гардидааст.
Дар вазифаи мураббии КФ «Витяз»-и Подолск (20032005), баъдан сармураббии ҳамин даста дар солҳои 20062008, директори варзишии КФ «Рубин»-и Қазон (20082012), сармураббии дастаи мунтахаби Тоҷикистон (2013-2015) ва «Ордабаси»-и Қазоқистон (2016) кор кардааст.