Мунира Шаҳидӣ: «Фарҳанги сулҳпарварии тоҷиконро бояд ҳам дар сатҳи маҳаллӣ, ҳам минтақавӣ ва ҳам ҷаҳонӣ муаррифӣ кард»
Душанбе, 28.09.2016 /АМИТ «Ховар»/. «Иртиботи байнифарҳангӣ дар замони ҷаҳонишавӣ»- таҳти чунин унвон имрӯз дар Осорхонаи фарҳaнги мусиқии З. Шаҳидӣ маҳфил баргузор гардид.
Тавре ки Мунира Шаҳидӣ, олими шарқшинос, раиси Бунёди Байналмилалии Зиёдулло Шаҳидӣ иброз дошт, маҳфил ба мавзӯи хеле муҳими иртиботи байнифарҳангӣ бахшида шудааст. «Мо кӯшиш дорем, чунин чорабиниҳоро ҳар сол 3-4 маротиба баргузор намоем, зеро ҷаҳони имрӯза дар вазъи муташанниҷ қарор дорад. Равандҳои гуногун зиёд шуда, ҷавонон ба онҳо ҷалб мешаванд. Аз ин лиҳоз, зарур аст, ки фарҳанги сулҳпарварии тоҷиконро ҳам дар сатҳи маҳаллӣ, ҳам минтақавӣ ва ҳам ҷаҳонӣ муаррифӣ кунем. Суҳбати имрӯзаи мо маҳз ба ин мавзӯъ бахшида шуда, мо масъалаи арзишҳои умумиҷаҳонӣ дар фарҳанги ҷаҳонӣ, нақш ва эътирофи фарҳанги миллиамонро дар паҳнои ҷаҳонӣ баррасӣ намудем. Агар мо ин масъаларо нафаҳмему муаррифӣ накунем, вазъи муташанниҷ худ аз худ бартараф намешавад. Асосгузори сулҳу Ваҳдати миллӣ, Пешвои миллат, Президенти Чумҳурии Тоҷикистон муҳтарам Эмомалӣ Раҳмон ҳамеша дар суҳбатҳояшон таъкид медоранд, ки халқи мо сулҳофару сулҳдӯст аст ва он ҳамеша дар ҳусни тафоҳум бо ҷаҳон буд, ҳаст ва хоҳад монд»,-афзуд М.Шаҳидӣ
Ҳамоҳангсози робита бо ҷомеа ва менеҷер оид ба лоиҳаҳои Маркази фарҳангии «Бохтар» Амалхонум Гаҷиева зикр намуд, ки маркази «Бохтар» чунин барномаҳои фарҳангиро зиёд доир менамояд. «Дар чунин маҳфилҳо намояндагони марказҳои фарҳангии пойтахт иштирок менамоянд. Мо кӯшиш мекунем, ки зимни ин вохӯриҳо мушкилот ва дурнамои соҳаи фарҳангро баррасӣ намоем. Чунин чорабиниҳо барои намояндагони аҳли фарҳанг хеле муфиданд, зеро дар ин ҷо онҳо имкон доранд бо намояндагони ташкилотҳои хориҷӣ ҳамсуҳбат гардида, барои лоиҳа ва барномаҳои худ маблағ дарёфт намоянд»,-зикр намуд мусоҳиб.
Дар доираи маҳфил масъалаҳои муайян намудани захираи илмӣ-фарҳангии миллӣ ва роҳҳои истифодаи он дар паҳнои ҷаҳонӣ баррасӣ гардиданд.
Дар барнома фарҳангшиносони ватанӣ ва намояндагони созмонҳои байналмилалӣ иштирок доштанд.
Дар Хуҷанд вобаста ба масъалаҳои мубрами маърифати ҳуқуқӣ дар шароити муосир конференсия баргузор гардид
Дар шаҳри Бӯстон ҷаласаи гурӯҳҳои кории ҳайатҳои ҳукуматии Тоҷикистон ва Қирғизистон баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
