«Ҳосилот»-и Фархор ба гирифтани медалҳои нуқра наздик мешавад
Душанбе, 24.10.2016 /АМИТ «Ховар»/. Дастаи «Ҳосилот»-и Фархор баъди ғалабаи навбатиаш дар даври 17-уми Чемпионати мамлакат оид ба футбол байни дастаҳои Лигаи олӣ бар «Равшан»-и Кӯлоб бо ҳисоби 4:0 ба аввалин дастоварди назарраси худ-соҳиб шудан ба медалҳои нуқраи мавсими соли 2016 боз ҳам наздиктар шуд. Соҳибони майдон дар ин бозӣ 4 голи худро дар нимаи дуюм ба дарвозаи меҳмонон заданд. Наврӯз Рустамов (50), Ҳасан Рустамов (72), Комил Саидов ( 82) ва Хайрулло Азизов (87) муаллифи голҳо гардиданд. Наврӯз ва Ҳасан Рустамовҳо як сол қабл шарафи дастаи «Равшан»-ро ҳимоя мекарданд ва имсол барои барандаи медалҳо гардидани «Ҳосилот» ба ин даста кумак мерасонанд.
Дар ин давр «Хайр»-и Ваҳдат дар майдонаш тавассути голи ягонаи Парвиз Ҳомидов (66) ба дарвозаи «Вахш»-и Қӯрғонтеппа бо натиҷаи 1:0 . ғолиб омад. «Регар ТадАЗ», яке аз даъвогарони асосии медалҳои биринҷӣ дар шаҳри Турсунзода дастаи «Парвоз»-и ноҳияи Бобоҷон Ғафуровро қабул карда, дар вохӯрии ниҳоят пуршиддат бо ҳисоби 3:2 дастболо гардид. КМВА «Помир» баъди бохт аз дастаи «Хуҷанд»дар варзишгоҳи «20-солагии истиқлолияти Тоҷикистон» бо нишондоди 2:1 мавқеи сеюмро аз даст дод ва «Регари ТадАЗ» ба зинаи сеюм баромад.
Даври навбатӣ 30 октябр баргузор мешавад. «Регар ТадАЗ» бо КМВА «Помир», «Вахш» бо « Хуҷанд», «Равшан» бо «Хайр» ва «Барқчӣ» бо «Ҳосилот» вориди майдон мешаванд.
Ҷадвали мусобиқа баъди даври 17-ум чунин шакл гирифтааст:
| Б | Ғ | М | Б | Т/т | И | ||
| 1 | «Истиқлол» (Душанбе) | 16 | 12 | 3 | 1 | 57-18 | 39 |
| 2 | «Ҳосилот» (Фархор) | 16 | 10 | 4 | 2 | 35-13 | 34 |
| 3 | «Регар-ТадАЗ» (Турсунзода) | 15 | 8 | 2 | 5 | 34-19 | 26 |
| 4 | КМВА «Помир» (Душанбе) | 16 | 7 | 3 | 6 | 21-14 | 24 |
| 5 | «Хайр» (Ваҳдат) | 16 | 6 | 5 | 5 | 22-23 | 23 |
| 6 | «Хуҷанд» (Хуҷанд) | 16 | 7 | 1 | 8 | 19-32 | 22 |
| 7 | «Барқчӣ» (Душанбе) | 13 | 6 | 2 | 5 | 20-18 | 20 |
| 8 | «Вахш» (Қурғонтеппа) | 16 | 5 | 3 | 8 | 19-32 | 18 |
| 9 | «Равшан» (Кӯлоб) | 15 | 2 | 3 | 10 | 15-40 | 9 |
| 10 | «Парвоз» (Бобоҷон Ғафуров) | 17 | 1 | 2 | 14 | 14-47 | 5 |
Варзишгарони тоҷик дар Бозиҳои XX Осиёӣ иштирок менамоянд
Дар Олмон бахшида ба 35-солагии Истиқлоли давлатии Тоҷикистон мусобиқаи муштараки футбол доир шуд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» оғоз гардид
Дар шаҳри Ҳисор бо иштироки муовини Сарвазири Тоҷикистон ду иншооти варзишӣ ба истифода дода шуд
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
