Рӯзҳои наздик ҳарорати ҳаво паст мешавад

Душанбе, 13.10.16. /АМИТ «Ховар»/. Мутахассисони Агентии обуҳавошиносии Тоҷикистон рӯзҳои наздик дар ҷумҳурӣ пастшавии харорати ҳаворо то 6 — 8 дараҷа пешгӯӣ менамоянд.
Тавре ба АМИТ «Ховар» аз агентии мазкур хабар доданд, шаби 13 ба 14 октябр дар қаламрави ҷумҳурӣ ҳавои тағйирёбанда, борони кӯтоҳмуддат, дар баъзе ҷойҳо шиддатнок дар назар дошта шудаааст. «Аз ин рӯ дар бархе аз навоҳии кӯҳии Тоҷикистон эҳтимоли селфароӣ вуҷуд дорад», -огоҳ намуданд дар агентии мазкур .
Бар асоси пешгӯии обуҳавошиносон, 13-14 октябр ҳарорати ҳаво дар Суғд то 18-23 дараҷа, Хатлон 22-27 дараҷа, навоҳии тобеи марказ- 21-26 дараҷа ва ВМКБ то 15-20 дараҷа гарм хоҳад шуд.