С. Аслов ҷиҳати иштирок дар Конфронси байналмилалӣ оид ба Афғонистон ба Брюссел рафт

Душанбе, 3.10.2016 /АМИТ «Ховар»/. 3 октябри соли 2016 ҳайати Ҷумҳурии Тоҷикистон таҳти роҳбарии вазири корҳои хориҷии кишвар Сироҷидин Аслов ҷиҳати иштирок дар вохӯрии навбатии вазирони корҳои хориҷии Иттиҳоди Аврупо — Осиёи Марказӣ ва Конфронси байналмилалӣ оид ба Афғонистон, ки 4-5 октябри соли равон дар шаҳри Брюссел баргузор мегарданд, ба Шоҳигарии Белгия сафар намуд.
Дар ҷамъомади мазкур суханронии Вазири корҳои хориҷии Ҷумҳурии Тоҷикистон пешбинӣ гардидааст, ки дар он мавқеи Ҷумҳурии Тоҷикистон роҷеъ ба масъалаҳои муҳими ҳамкории минтақавӣ ва байналмилалӣ инъикос хоҳад ёфт.
Зимни сафар инчунин як зумра вохӯриҳои дуҷонибаи С.Аслов дар назар гирифта шудааст.