Саҳмгузорӣ дар пешгирии амалҳои коррупсионӣ
Душанбе, 01.10.2016. /АМИТ «Ховар»/. Дирӯз дар Хадамоти шиносномавию бақайдгирии Вазорати корҳои дохилии Ҷумҳурии Тоҷикистон вохӯрии ҳайати шахсӣ бо намояндагони Сарраёсати пешгирии коррупсияи Агентии назорати давлатии молиявӣ ва мубориза бо коррупсияи Ҷумҳурии Тоҷикистон баргузор шуд.
Тавре аз Вазорати корҳои дохилии Ҷумҳурии Тоҷикистон хабар доданд, дар вохӯрӣ муовини сардори Хадамоти шиносномавию бақайдгирии Вазорати корҳои дохилӣ, полковники милитсия Нуралӣ Сафаров иброз дошт, ки ҳар як корманди милитсия дар баробари самти фаъолияти худ бояд дар ошкор ва пешгирии амалҳои коррупсионӣ саҳмгузор бошад. Мақомоти корҳои дохилӣ баҳри решакан намудани ин зуҳуроти номатлуб бо дигар мақомоти қудратии кишвар дар ҳамкории зич қарор дошта, дар ин самт аз ҷониби роҳбарияти давлату Ҳукумат пайваста тадбирҳои судманд андешида мешаванд.
Муовини сардори Сарраёсати пешгирии коррупсияи Агентии назорати давлатии молиявӣ ва мубориза бо коррупсия, капитани адлия Шодком Турсунзода дар масъалаи муқовимат бо коррупсия зикр кард, ки дар тамоми давлатҳо амалҳои коррупсионӣ паҳн гардидаву реша давондаанд. Онҳо ба пешравии иқтисодиёт, тараққиёт, иҷтимоиёти кишварҳо таъсири манфӣ мерасонанд. Кишвари мо низ дар қатори дигар давлатҳо гирифтори ин вабо гардидааст.
Тавре тадқиқот нишон медиҳанд, ҳамасола дар ҷаҳон бо роҳи коррупсионӣ зиёда аз 600 миллиард доллари амрикоӣ ба иқтисодиёти кишварҳо хисорот мерасад. Имрӯз тамоми мақомоти қудратии кишвар баҳри аз байн бурдани амалҳои номатлуби коррупсионӣ муборизаи беамон мебаранд.
Мақомоти корҳои дохилӣ ва Агентии назорати давлатии молиявӣ ва мубориза бо коррупсия дар бартараф ва пешгириву ошкор намудани чунин ҷиноятҳо дар ҳамкории хуб қарор дошта, то ба имрӯз дар ҳамбастагӣ чандин ҳолатҳои коррупсиониро муайяну ошкор намуда, садди роҳи содиркунандагони ин гуна ҷиноятҳо гардидаанд.
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
