Анҷоми мавсими футболи соли 2016: «Барқчӣ» «Ҳосилот»-ро мағлуб кард
Душанбе, 15.11.2016 /АМИТ «Ховар»/. Дар вохӯрии охирини мавқуфгузоштаи Чемпионати мамлакат оид ба футбол дар мавсими соли 2016 дирӯз дастаҳои «Барқчӣ» ва «Ҳосилот»-и Фархор дар варзишгоҳи «Авиатор»-и пойтахт бо ҳам қувва озмуданд. Бозӣ бо натиҷаи 3:1 бо ғалабаи соҳибони майдон-дастаи «Барқчӣ» ба анҷом расид.
«Ҳосилот»-и Фархор, ки аллакай соҳиби мақоми дуюм ва медалҳои нуқра гардидааст, дар вохӯрӣ бо ҳайати эҳтиётии худ рӯи майдон омад ва дар дақиқаи 21-ум тавассути голи задаи Сӯфишариф Шарифов ҳисобро кушод. Баъдан Кароматулло Саидов (32, аз зарбаи пеналтӣ) Амирҷон Сафаров (72) ва Нуриддин Ҳамроқулов (90+1) бо тӯбҳои задаашон бозиро ҷамъбаст карда, дастаи «Барқчӣ»-ро бо натиҷаи 3:1 ғолиб гардонданд. «Барқчӣ» баъди ин ғалаба бо касби 29 имитёз аз дастаҳои «Хайр» ва КМВА «Помир» пеш гузашта, ба зинаи чоруми ҷадвали мусобиқот баромад.
Бо ҳамин мавсими футбол дар соли 2016 дар мамлакат ба анҷом расид. Ҷадвали ниҳоии мавсими соли 2016 чунин шакл гирифтааст:
| Б | Ғ | М | Б | Т/т | И | ||
| 1 | «Истиқлол» (Душанбе) | 18 | 14 | 3 | 1 | 67-20 | 45 |
| 2 | «Ҳосилот» (Фархор) | 18 | 11 | 4 | 3 | 40-16 | 37 |
| 3 | «Регар-ТадАЗ» (Турсунзода) | 18 | 10 | 2 | 6 | 36-23 | 32 |
| 4 | «Барқчӣ» (Душанбе) | 18 | 9 | 2 | 7 | 32-25 | 29 |
| 5 | «Хайр» (Ваҳдат) | 18 | 8 | 5 | 5 | 29-25 | 29 |
| 6 | КМВА «Помир» (Душанбе) | 18 | 8 | 3 | 7 | 23-16 | 27 |
| 7 | «Хуҷанд» (Хуҷанд) | 18 | 8 | 1 | 9 | 22-37 | 25 |
| 8 | «Вахш» (Кӯрғонтеппа) | 18 | 5 | 3 | 10 | 21-39 | 18 |
| 9 | «Равшан» (Кӯлоб) | 18 | 2 | 3 | 13 | 17-50 | 9 |
| 10 | «Парвоз» (Бобоҷон Ғафуров) | 18 | 1 | 2 | 15 | 14-50 | 5 |
Нишонзанҳои беҳтарин Манучеҳр Ҷалилов аз дастаи «Истиқлол» бо 22 тӯб, Комил Саидов аз «Барқчӣ»/«Ҳосилот» бо 12 тӯб ва Ромиш Ҷалилов аз «Регар ТадАз» бо 10 тӯб мебошанд.
PARIMATCH TAJIKISTAN ва КФ «Хуҷанд» оғози шарикии бузургро эълон карданд
Бозии дӯстона байни дастаҳои мунтахаби занонаи Тоҷикистон ва Амороти Муттаҳидаи Арабӣ мусовӣ анҷом ёфт
ҶОМИ ҶАҲОН ОИД БА БОКС. Аз Тоҷикистон дар ин мусобиқа даҳ варзишгар иштирок мекунад
Дар ноҳияи Данғара фестивали бозиҳои миллӣ бо шукуҳи хосса баргузор шуд
Лигаи футболи Тоҷикистон дар остонаи мавсими нав барои комиссарон семинари омӯзишӣ баргузор кард
Дастаи мунтахаби Тоҷикистон оид ба футболи электронӣ нахустин маротиба дар мусобиқаи FIFAe Nations League иштирок мекунад
Дастаи миллии занонаи Тоҷикистон оид ба футбол бо тими Амороти Муттаҳидаи Арабӣ ду бозии дӯстона доир мекунад
Дастаи миллии занонаи Тоҷикистон оид ба футбол дар Душанбе ба машқҳои дастҷамъона фаро гирифта шуд
Дастаи мунтахаби наврасони Тоҷикистон (U-17) дар Ҷопон дар мусобиқаи байналмилалӣ иштирок кард
Дастаи мунтахаби наврасони Тоҷикистон (U-16) оид ба футбол дар «Ҷоми рушд-2026» ҷойи панҷумро соҳиб гардид
Дастаҳои футболи Тоҷикистон бо дастурҳои навшудаи доварон барои мавсими 2026 шинос шуданд
Дар Душанбе оид ба ҳуқуқҳои байналмилалии футбол ва идоракунии бошгоҳҳо машғулият баргузор гардид
