Бозии рафиқонаи Тоҷикистон ва Афғонистон: Голи Манучеҳр Ҷалилов ба Тоҷикистон ғалаба овард
Душанбе, 14.11.2016 /АМИТ «Ховар»/. Дар вохӯрии рафиқонаи дастаҳои мунтахаби Тоҷикистон ва Афғонистон, ки шоми дирӯз дар Варзишгоҳи марказии ҷумҳуриявӣ баргузор гардид, ягона голи ҳамлагари мунтахаби мамлакат Манучеҳр Ҷалилов ғалабаро ба нафъи Тоҷикистон ҳал кард. Қисми аввали бозӣ бо ҳунарнамоии баробари дастаҳо бе кушодани ҳисоб ба анҷом расид. Баъди он, ки дар нимаи дуввум сармурабии дастаи мунтахаби кишвар Ҳаким Фузайлов дар ҳайати даста тағйирот ворид кард, бозии бачаҳои мо беҳтар шуд ва ҳуҷумҳои пайдарпайи онҳо натиҷа овард. Дар дақиқаи 74-ум хатои муҳофизатгарони дастаи мунтахаби Афғонистонро Манучеҳр Ҷалилов истифода бурда, ҳисобро кушод. Ин голи чоруми Манучеҳр дар ду бозии охирини дастаи мунтахаб мебошад.
Ба ҳамин тартиб, дастаи мунтахаби Тоҷикистон бозии охирини худро дар соли 2016 бо ғалаба ҷамъбаст карда, тайёриро ба бозиҳои интихобии Чемпионати Осиё ба анҷом расонд.
Дастаҳо бо ин ҳайат бозӣ карданд:
Тоҷикистон: Алишер Додов, Эраҷ Раҷабов, Давронҷон Эргашев, Нуриддин Давронов, Ҷаҳонгир Алиев (Муҳаммадҷони Ҳасан, 83), Нозим Бобоҷонов (Фатҳулло Фатҳуллоев, 54), Искандар Ҷалилов (Амирбек Ҷӯрабоев, 42), Аҳтам Назаров, Парвизҷон Умарбоев (Бахтиёр Чориев, 86), Манучеҳр Ҷалилов (Аҳтам Ҳамроқулов, 86), Муҳсинҷон Парпиев (Сиёвуш Асроров, 54).
Афғонистон: Азизи Овайс, Алихил Абосин, Амин Ҳасан, Сайҳуни Масиҳ, Амири Зубайр, Файсал Шоиста (Шарифи Амируддин, 86), Амири Нуруллоҳ (Задран Нур, 66), Ҷамоли Мӯҷиб (Азодзой Мустафо, 80), Хатифи Аҳмад Ораш, Салим Милод, Тоҳир Каничка (Ҳакими Фардин, 80).
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
Дар шаҳри Оснабрюки Олмон бахшида ба Рӯзи ҷаҳонии футбол мусобиқа баргузор гардид
25 МАЙ — РӮЗИ ҶАҲОНИИ ФУТБОЛ. Дар Варзишгоҳи марказии ҷумҳуриявӣ Фестивали футбол доир мегардад
