Буҷети давлатӣ дар зарфи нуҳ моҳи соли равон 97 фоиз иҷро гардид
Душанбе, 03.11.2016/АМИТ «Ховар»/. «Афзоиши воқеии маҷмӯи маҳсулоти дохилӣ /ММД/ дар кишвар дар зарфи нуҳ моҳи соли равон 6,7 фоизро ташкил намуд, ки он ба 37,9 млрд. сомонӣ баробар гардид. Ин омор нисбат ба ҳамин давраи соли гузашта 4,3 млрд. сомонӣ зиёд аст». Матлаби мазкур 3 ноябр зимни муҳокимаи парлумонӣ, ки марбут ба иҷрои Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2016» дар 9 моҳи соли 2016 буд, баён гардид. Муҳокимаи парлумонӣ таҳти раёсати Абдуҷаббор Азизӣ, муовини аввали раиси Маҷлиси намояндагони Маҷлиси Олии ҷумҳурӣ бо ҳузури блоки иқтисодии кишвар ва вакилони Парлумон доир гардид.
Таъкид шуд, ки дар ин давра истеҳсоли маҳсулоти саноатӣ беш аз 16 фоиз, кишоварзӣ 6,8 фоиз, гардиши савдои чакана зиёда аз 7 фоиз ва сохтмон 22 фоиз афзоиш ёфтаанд. Бо дахли таъсири буҳрони молиявӣ ба соҳаҳои иқтисодиёт зикр шуд, ки идомаи вазъи ногувори иқтисодиёти кишварҳои шарики иқтисодии Тоҷикистон, бахусус Русия, боиси коҳиши интиқоли маблағҳо ва гардиши савдои хориҷӣ гардида, ба иҷрои Буҷети давлатӣ таъсири манфӣ расонид. Дар натиҷа, иҷрои буҷети давлатӣ дар 9 моҳи соли равон 97 фоиз ва ҳаҷми он 12567,8 млн. сомониро ташкил намуд, ки ин нисбат ба нақша 387,6 млн. сомонӣ кам мебошад. Дар ин давра мақомоти андоз нақшаи даромади буҷетро 99,6 фоиз таъмин намуда, ба он 6164,4 миллион сомонӣ ворид намуд, ки ин нисбат ба нақша 24,7 миллион сомонӣ кам мебошад. Аз ҳисоби пардохтҳои гумрукӣ ба буҷет 2683,9 млн. сомонӣ ворид гардид, ки ин 87,6 фоизро ташкил дода, нисбат ба нақша беш аз 378 миллион сомонӣ кам аст.
Дар фарҷоми муҳокимаи парлумонӣ вакилони Маҷлиси намояндагон аз рӯи масъалаи баррасигардида бо назардошти таклифу пешниҳод ва эродҳое, ки дар маърӯзаву баромадҳо зикр гардиданд, қарор ва тавсияҳо қабул карданд.
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
