Дар кишвар базаи ягонаи маълумоти идентификатории телефонҳои мобилӣ таъсис дода мешавад
Душанбе, 08.11.2016 /АМИТ «Ховар»/. Хадамоти алоқаи назди Ҳукумати Ҷумҳурии Тоҷикистон тасмим гирифтааст, ки дар ҷумҳурӣ низоми давлатии бақайдгирии телефонҳои мобилиро ҷорӣ намуда, базаи ягонаи маълумоти идентификатории телефонҳои мобилиро таъсис диҳад. Дар робита ба ин 2 ноябр Парлумони Тоҷикистон ба лоиҳаи Қонуни Ҷумҳурии Тоҷикистон «Дар бораи алоқаи барқӣ» тағйиру иловаҳо ворид намуд. Адолат Абдураҳмонзода, муовини сардори Хадамоти алоқаи назди Ҳукумати Ҷумҳурии Тоҷикистон ҳадафи ворид намудани тағйирот ба лоиҳаи қонуни мазкурро дар самти ошкор кардани қонуншиканиҳо ва ҷинояткорон, аз байн бурдани дуздии телефонҳои мобилӣ, ҷилавгирӣ аз хариду фурӯши телефонҳои пастсифати мобилӣ дар кишвар муҳим арзёбӣ намуд.
Муовини сардори Хадамоти алоқаи назди Ҳукумати Ҷумҳурии Тоҷикистон гуфт: «Ба кишварамон телефонҳои мобилии пастсифати ба саломатии шаҳрвандон зараровар ворид карда шуда, мавриди хариду фурӯш ва истифода қарор мегиранд, ки маълумоти идентификатории онҳо якхела ва ё такроршавандаанд. Якхела ва такроршаванда будани маълумоти идентификатории телефонҳои мобилӣ барои идентификатсияи гумонбар ҳангоми содир шудани ҷиоят мушкилӣ пеш оварда, мақомоти тафтишотро ба дигар тараф бурда, ба поймолшавии ҳуқуқҳои шаҳрвандоне, ки тамоман ба содиршавии ҷиноят рабт надоранд, оварда мерасонад».
Адолат Абдураҳмонзода афзуд, ки ҳангоми ҷорӣ намудани низоми давлатии бақайдгирии телефонҳои мобилӣ ва таъсиси базаи ягонаи маълумоти идентификатории телефонҳои мобилӣ, хариду фурӯш ва истифодаи телефонҳои пастсифат дар кишвар пешгирӣ шуда, маълумоти низоми давлатӣ барои ошкор кардани қонуншиканиҳо ва ҷинояткорон мусоидат менамояд.
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
