Маъмурияти дипломатии Сафири Афғонистон дар Тоҷикистон ба поён расид
Душанбе, 3.11.2016 /АМИТ «Ховар»/. 2 ноябри соли 2016 Вазири корҳои хориҷии Ҷумҳурии Тоҷикистон Сироҷидин Аслов Сафири Фавқулода ва Мухтори Ҷумҳурии Исломии Афғонистон дар Ҷумҳурии Тоҷикистон Абдулғафур Орзуро бино бар ба поён расидани маъмурияти дипломатиаш дар Тоҷикистон ба ҳузур пазируфт. Дар ин бора ба АМИТ «Ховар» аз ВКХ Ҷумҳурии Тоҷикистон хабар доданд.
Зимни суҳбат ҷонибҳо аз густариши бемайлони муносибатҳои дуҷониба ва бисёрҷонибаи Тоҷикистону Афғонистон изҳори қаноатмандӣ карданд ва атрофи самтҳои дурнамодори ҳамкории мутақобилан судманди ду кишвар дар арсаҳои иқтисодӣ, тиҷоратӣ, энергетикӣ, нақлиётӣ ва фарҳангию башарӣ табодули назар анҷом доданд. Бар зарурати тавсеаи ҳамкории наздисарҳадӣ ва муборизаи муштарак бар зидди терроризми байналмилалӣ, экстремизм ва дигар чолишҳои амнияти ду кишвар ва минтақа таъкид гардид.
Вазири корҳои хориҷии Тоҷикистон ба Сафири Афғонистон барои саҳми назаррас дар таҳкиму густариши робитаҳои дӯстона ва ҳамкории созандаи Тоҷикистону Афғонистон изҳори сипос кард ва барои фаъолияти минбаъдаи ӯ дар ҷодаи дипломатия муваффақиятҳо орзу намуд.
Доир ба пешгирии кирдорҳои коррупсионӣ конференсияи байналмилалӣ баргузор шуд
Сардори Раёсати робитаҳои байналмилалии Донишкадаи давлатии фарҳанг ва санъати Тоҷикистон дар озмуни «Фурӯғи субҳи доноӣ китоб аст» ҷойи якумро соҳиб шуд
Орзуи миллионер шудан бо ZET-MOBILE воқеӣ аст
Дар Донишкадаи байналмилалии Хуҷанди Донишгоҳи байналмилалии сайёҳӣ ва соҳибкории Тоҷикистон сохтмони биноҳои нави таълимӣ оғоз шуд
Баланд бардоштани сатҳи таълиму тарбия дар Коллеҷи технологии Конибодом баррасӣ гардид
IRS: Ҳаракати тамоми намуди нақлиёт дар роҳи мошингарди Душанбе-Чанок таъмин аст
ИСТИФОДАИ САМАРАНОКИ ЗАМИН. Беш аз 300 гектар замини ноҳияи Айнӣ ба гардиши кишт ворид карда мешавад
Имрӯз дар Тоҷикистон борон ва барф меборад
Оид ба робитаи фалсафа бо зеҳни сунъӣ машварат баргузор шуд
Бахшида ба Рӯзи ҳуқуқи инсон дар Маркази тадқиқоти стратегӣ конфронс доир шуд
Раиси Маҷлиси намояндагон бо ҳайати комиссияи экспертии Агентии мустақили аккредитатсия ва рейтинг вохӯрӣ намуд
«ШОҲНОМА»-ТУҲФАИ БЕНАЗИРИ ПЕШВОИ МИЛЛАТ. Ба сокинони шаҳри Гулистон ин асари безавол тақдим мегардад
