Медалҳои тиллои мавсими футболи соли 2016 ва Ҷоми чемпионӣ ба дастаи «Истиқлол»-и Душанбе супорида шуданд
Душанбе, 11.11.2016 /АМИТ «Ховар»/. Дар меҳмонхонаи «Hyatt regency»-и пойтахт шоми дирӯз расми бошукӯҳи супоридани медалҳои тиллои Чемпионати мамлакат оид ба футбол байни дастаҳои Лигаи олӣ ва Ҷоми чемпионӣ ба КФ «Истиқлол»-и Душанбе баргузор гардид. Дар маросим роҳбарони Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон, ФФТ, сарпарастон, меҳмонон ва намояндагони ВАО ширкат намуданд.
Дастаи «Истиқлол»-и Душанбе дар мавсими соли 2016 дар 18 вохӯрӣ 14 ғалаба карда, се бозиро мусовӣ анҷом додааст. Танҳо дар як вохӯрӣ ба мағлубият дучор гаштааст. Чемпион дар силсилаи ин бозиҳо ба дарвозаи ҳарифон аз ҳама бештар- 67 тӯб зада, аз дарвозааш 20 тӯб гирифтааст. Шумораи холҳояш ба 45 адад баробар шуд, ки аз мақоми дуюм 8 имтиёз бештар мебошад.
Ҳайати дуюми ҷавонони «Истиқлол» низ дар мубориза барои медалҳо аз ҳамаи дастаҳо пеш гузашта, соҳиби ҷои аввал шуд. Футболбозони ин даста низ дар ин рӯз бо медал ва Ҷом сарфароз гардиданд.
Роҳбарияти КФ «Истиқлол» барои дастгирӣ ва саҳмгузорӣ ба сарпарастон ва ВАО дар мавсими соли 2016 минатдории худро баён карда, ба онҳо ифтихорномаву ҷоизаҳо ҳадя намуд.
Ёдрас мешавем, ки дастаи «Истиқлол»-ро соли оянда Мӯҳсин Муҳаммадиев -сармураббии нав ба мавсими футболи соли 2017 омода мекунад.
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
Дар шаҳри Оснабрюки Олмон бахшида ба Рӯзи ҷаҳонии футбол мусобиқа баргузор гардид
25 МАЙ — РӮЗИ ҶАҲОНИИ ФУТБОЛ. Дар Варзишгоҳи марказии ҷумҳуриявӣ Фестивали футбол доир мегардад
