Мулоқоти Шукурҷон Зуҳуров бо Владимир Витюк

Ноябрь 24, 2016 16:18

Душанбе, 24.11.2016 /АМИТ «Ховар»/. Шукурҷон Зуҳуров, раиси Маҷлиси намояндагон дар доираи ҷаласаи 45-уми пленарии Байнипарлумонии кишварҳои аъзои ИДМ бо муовини раиси парлумони Ҷумҳурии Молдова Владимир Витюк мулоқот кард. Мулоқот нимаи авали имрӯз дар шаҳри Санкт-Петербург бо хоҳиши Владимир Витюк баргузор гардид. Дар ин бора котиби матуботии Маҷлиси намояндагон Муҳаммадато Султонов ба АМИТ «Ховар» иттилоъ дод.
Дар ҷараёни мулоқот масъалаи тақвияти ҳамкории байнипарлумонӣ миёни Маҷлиси намояндагони Ҷумҳурии Тоҷикистон ва Парлумони Ҷумҳурии Молдова мавриди баррасӣ қарор гирифт.
Ш.Зуҳуров муваффақона баргузор шудани интихоботи президентӣ дар Молдоваро ба Владимир Витюк табрик гуфта, изҳори умедворӣ намуд, ки равобити ду кишвар дар оянда дар ҳамаи соҳаҳо ба марҳилаи сифатан нав ворид мегарданд. Раиси Маҷлиси намояндагон ба таърихи равобити Тоҷикистон ва Молдова ишора намуда, иброз дошт, ки гарчанде муносиботи дипломатӣ байни кишварҳои мо солҳои қаблӣ ба роҳ монда шуда бошанд ҳам, вале ин равобит ҷавобгӯи сатҳи имрӯза нест. Ҳамчунин зикр карда шуд, ки байни Ҷумҳурии Тоҷикистон ва Ҷумҳурии Молдова санадҳои зиёди ҳамкорӣ ба имзо расидаанд, ки баъзеи онҳо хусусияти муваққатӣ дошта, қувваи иҷрои худро аз даст додаанд. Бинобар ин зарур аст, ки барои густариши муносибот дар дигар соҳаҳои афзалиятнок санаду созишномаҳои нав қабул ва ба имзо расонида шаванд.
Владимир Витюк, муовини раиси парлумони Молдова дар навбати худ изҳор кард, ки дар ҳақиқат ниҳодҳои дахлдори ҳар ду кишвар аз имконоти фарохи мавҷудаи равобит истифодаи самарабахш накардаанд. «Мо дар ҷараёни баргузории ҷаласаҳои парлумонӣ дар мамлакатҳои худ сари ин масъалаҳо изҳори назар хоҳем кард,- гуфт Владимир Витюк ва илова кард, ки «Парлумон бавуҷудорандаи фазои ҳуқуқиву қонунӣ ҷиҳати густариши муносиботи кишвараш бо ҷумҳуриҳои дигар дар ҳамаи заминаҳо мебошад ва нақши намояндагони халқ дар беҳтар гардидани ҳамкорӣ бо дигар мамлакатҳо хеле муҳим ва арзанда аст».
Ҷонибҳо ба мувофиқа расиданд, ки барои беҳтар кардани равобити байнипарлумонии ду кишвар гурӯҳҳои дӯст ва ҳамкории байнипарлумонӣ таъсис дода шаванд.
Шукурҷон Зуҳуров дар поёни мулоқот бори дигар ба тақвияти муносиботи байнипарлумонии Тоҷикистону Молдова таъкид карда, ибрози умедворӣ намуд, ки ин мулоқот барои густариши ин ҳамкорӣ дар оянда мусоидат хоҳад кард.
Дар мулоқот раисони кумитаҳои Маҷлиси намояндагон Олимҷон Салимзода, Лутфия Раҷабова, Эмомалӣ Насриддинзода ва узви Маҷлиси Миллӣ Наргис Раҳмонова иштирок намуданд.

Ноябрь 24, 2016 16:18

Хабарҳои дигари ин бахш

Британияи Кабир фурӯши телефонҳои мобилиро ба кӯдакон ва наврасони то 16-сола манъ менамояд
Дар Қазоқистон бар асари обхезиҳо қариб 98 ҳазор нафар тахлия шуданд
Зиёда аз 1,8 ҳазор сокини иёлати Ютаи Амрико пас аз рахна шудани сарбанди кӯл зери хатар қарор доранд
Дар Душанбе конференсияи байналмилалии «Муколамаи мутамаддини Русия ва мамлакатҳои Осиёи Марказӣ» оғоз гардид
12 АПРЕЛ-РӮЗИ БАЙНАЛМИЛАЛИИ ПАРВОЗИ ИНСОН БА КАЙҲОН. Фатҳи кайҳон аз тарафи инсон: аз асотир то ҳақиқат
Ҳамкории Маркази тадқиқоти стратегии Тоҷикистон ва Институти байналмилалии Осиёи Марказӣ тақвият меёбад
Имрӯз дар Тоҷикистон ҳаво тағйирёбанда шуда, борони кӯтоҳмуддат меборад
Бар асари сардии шадид дар Муғулистон дар маҷмуъ 6,3 миллион сар чорво нобуд гардид
Дар шаҳри Ҳисор ба 9 нафар шахси имконияташ маҳдуд аробачаи маъюбӣ супорида шуд
«САЙРИ ГУЛИ ЛОЛА». Суратгузориш аз Фурудгоҳи байналмилалии Хуҷанд манзур мегардад
Чор нафар бо гумони шарикӣ дар тирпаронӣ дар шаҳри Филаделфияи Амрико боздошт шуданд
Дар минтақаҳои Русия беш аз 12 ҳазор манзили истиқоматӣ зери об мондаанд