Ҷоми ҷаҳон 2018. Дастаи мунтахаби Аргентина худро дар назди мухлисонаш сафед мекунад

Душанбе, 17.11.2016 /АМИТ «Ховар»/.  Дастаи мунтахаби Аргентина оид ба футбол дар вохӯрии даври 12-уми бозиҳои интихобии Ҷоми ҷаҳон-2018 дар қитъаи Амрикои ҷанубӣ дар майдонаш дастаи мунтахаби Колумбияро бо ҳисоби 3:0 шикаст дод. Ин ғалабаи аввалини Албиселесте дар чор бозии охири пайдарпай аст. Дар дақиқаи 10-уми бозӣ Лионел Месси аз зарбаи ҷаримавӣ ҳисобро кушод. Баъди 13 дақиқа Лукас Пратто голи дуюми соҳибони майдонро ба самар расонид. Анхел Ди Мария дар дақиқаи 84-ум нуқтаи охирини голзаниро дар бозӣ гузошт. Баъди ин ғалаба дастаи мунтахаби Аргентина бо 19 имтиёз ба зинаи 5-уми ҷадвали мусобиқот баромад.

Ёдовар мешавем, ки аз Амрикои ҷанубӣ ба бозиҳои ниҳоии Ҷоми ҷаҳон-2018, ки дар Русия мегузаранд, 4 даста роҳхат мегирад. Вале дастаи панҷум барои як роҳхати дигар бо дастаи Уқёнус қувва меозмояд.

Бозиҳои дигари ин рӯз чунин натиҷа доданд:

Перу – Бразилия – 0:2

Голҳо: Жезус, 58 (0:1); Аугусто, 78 (0:2)

Боливия — Парагвай 1:0

Гол: Г. Гомес, 78 (автогол)

Эквадор – Венесуэла – 3:0

Голҳо: Мина, 51 (1:0); Боланос, 83 (2:0); Валенсия, 86 (3:0)

Чили – Уругвай – 3:1

Голҳо: Кавани, 17 (0:1); Варгас, 45+2 (1:1); Санчес, 60 (2:1); Санчес, 76 (3:1)

Ҷадвали раддабанди дастаҳо чунин шакл гирифтааст: