Ҳотам Ҳакимов дар Фестивали байналмилалии гуруғлисароӣ дар Туркманистон беҳтарин гуруғлисаро дониста шуд. Дар пеш сафари Амрикост
Душанбе, 23.11.2016 /АМИТ «Ховар»/. Гуруғлисарои шинохтаи тоҷик Ҳотам Ҳакимов дар фестивали байналмилалии гуруғлисароӣ дар Федератсияи Русия ва Ҷумҳурии Туркманистон иштирок намуда, Ҷумҳурии Тоҷикистонро муаррифӣ намуд.
Тавре аз Вазорати фарҳанги ҷумҳурӣ ба АМИТ «Ховар» хабар доданд, дар Фестивали байналмилалии гуруғлисароӣ дар Туркманистон намояндагони 13 давлат иштирок доштанд. Ҳотам Ҳакимов бо ҳунари гуруғлисароии худ байни иштирокчиёни фестивал беҳтарин дониста шуд.
«Ҳотам Ҳакимов зодаи деҳаи Оби Ҳирфи ноҳияи Варзоб буда, 91 сол дорад. Шаст сол инҷониб ӯ гуруғлисароӣ намуда, шаш банд достони машҳури Гуруғлиро аз ёд кардааст. Барои пурра сароидани бандҳои кӯтоҳи достон чор соат ва бандҳои дигар то ҳафт соат вақт лозим аст. Ба гуфтаи Ҳотам Ҳакимов, баъзан дар чорабиниҳои мардумӣ оғози шаб ба гурӯғлихонӣ шурӯъ намуда, субҳ ба итмом мерасонад. Матни пурҳаводис ва шавқовари достон мисли синамо диққати шунавандаро ба худ мекашад»,- иттилоъ дод манбаъ.
Ҳотам Ҳакимов гуруғлихониро аз бобояшон Лойи Кучакшо омӯхта, сипас, бо шогирдӣ дар назди гуруғлихони шинохтаи замони худ Бобои Ҳусейн тӯли даҳ сол ин санъатро аз худ кардааст.
Ҳотам Ҳакимов барои иштирок дар чорабинии гуруғлисароӣ ба Иёлоти муттаҳидаи Амрико ва Ҷумҳурии Ҳиндустон даъват шудааст
Дабири кулли СММ барои дар сатҳи ҷаҳонӣ мубориза бурдан бо гармои шадид даъват намуд
Аз 27 июл то 1 август дар Тоҷикистон чангу ғубор ва дар баъзе ноҳияҳо омадани сел пешгӯӣ мешавад
Имрӯз дар Тоҷикистон ҳавои камабри бебориш пешгӯӣ мешавад
Дар «Роҳи оҳани Тоҷикистон» вохӯрии гурӯҳи корӣ бо занону духтарон доир шуд
29 июл дар Кумитаи давлатии идораи замин ва геодезӣ, Кумитаи меъморӣ ва сохтмон, Агентии назорати маводи нашъаовар, Агентии «Тоҷикстандарт» ва КВД «Тоҷиксуғурта» нишасти матбуотӣ баргузор мешавад
Донишҷӯёни Донишгоҳи аграрии Тоҷикистон таҷрибаомӯзии истеҳсолӣ ва пешаздипломиро дар хоҷагиҳои пешқадами ҷумҳурӣ мегузаронанд
Дар Кӯлоб 2684 протоколи ҳуқуқвайронкунии маъмурӣ нисбат ба ронандагон тартиб дода шуд
Имрӯз дар Тоҷикистон ҳаво то 43 дараҷа гарм мешавад
Дар ноҳияи Фирдавсӣ ташкилоти ибтидоии ҳизбии «Амирӣ» ва «Афзалият» таъсис дода шуд
Агентии хоҷагии ҷангал: «Нисбат ба ҳуқуқвайронкунандагони қонунгузории соҳа ба миқдори 780 санад тартиб дода шуд»
