«Панҷшер» ва «Саройкамар» роҳхат ба Лигаи олии Чемпионати Тоҷикистонро ба даст оварданд
Душанбе, 17.11.2016 /АМИТ «Ховар»/. Бозиҳои Лигаи якуми Чемпионати Тоҷикистон бо ғалабаи дастаи «Панҷшер»-и ноҳияи Ҷалолиддини Балхӣ ба анҷом расид. Футболбозони ин даста аз 24 вохӯрӣ дар 19-тоаш ғалаба карда, ду бозиро мусовӣ карданд ва дар се вохӯрии дигар мағлуб шудаанд. Дар натиҷа ин даста соҳиби 59 имтиёз гардида, соҳиби ҷои аввал ва медалҳои тиллои мусобиқаи Лигаи якум гардид.
Дастаи дигари вилояти Хатлон-«Саройкамар»-и ноҳияи Панҷ, ки ҳамаи бозиҳои худро аз сабаби бунёд ва таъмиру тармими варзишгоҳ берун аз ноҳия баргузор кард, бо 18 ғалаба, 4 бохт ва 2 мусовӣ сазовори медалҳои нуқра ва ҷои дуюм шуд.
Маротибаи дуюм аст, ки футболбозони дастаи «Кӯктош»-и ноҳияи Рӯдакӣ барандаи ҷоизаҳои ифтихории мақоми сеюм дар Лигаи якум мегарданд. Ба футболбозони ин даста медалҳои биринҷӣ супорида мешаванд.
Нишонзани беҳтарини Лигаи якум Абдухалил Боронов бо 36 тӯб шинохта шуд. Дар ин рақобат Фирдавс Зайнуллозода бо 17 гол аз дастаи «Чашма»-и Шаҳритус дар мақоми дуюм мавқеъ гирифт.
Баъди ҷамъбасти мусобиқа дастаҳои «Панҷшер» ва «Саройкамар» ҳуқуқ пайдо карданд, ки соли оянда дар қатори дастаҳои Лигаи олӣ ҳунарнамоиашонро идома диҳанд.
Ҷадвали ниҳоии мусобиқа дар Лигаи якум чунин аст:
| Б | Ғ | М | Б | Т/т | И | ||
| 1 | «Панҷшер» (Балхӣ) | 24 | 19 | 2 | 3 | 73-21 | 59 |
| 2 | «Саройкамар» (Панҷ) | 24 | 18 | 2 | 4 | 54-16 | 56 |
| 3 | «Кӯктош» (Рӯдакӣ) | 24 | 17 | 4 | 3 | 56-19 | 55 |
| 4 | «Исфара» (Исфара) | 24 | 11 | 3 | 10 | 39-36 | 36 |
| 5 | «Ҳулбук» (Восеъ) | 24 | 11 | 2 | 11 | 36-36 | 35 |
| 6 | «Парвин» (Бохтар) | 24 | 10 | 5 | 9 | 48-37 | 35 |
| 7 | «Помир» (Душанбе) | 24 | 9 | 6 | 9 | 44-36 | 33 |
| 8 | «Коммуна» (Фархор) | 24 | 9 | 5 | 10 | 27-39 | 32 |
| 9 | «Канд» (Конибодом) | 24 | 8 | 3 | 13 | 35-51 | 27 |
| 10 | «Ваҳдат» (Ваҳдат) | 24 | 8 | 2 | 14 | 22-46 | 26 |
| 11 | «Локомотив» (Душанбе) | 24 | 4 | 8 | 12 | 22-41 | 20 |
| 12 | «Чашма» (Шаҳритус) | 24 | 5 | 3 | 16 | 29-65 | 18 |
| 13 | «Зарафшон» (Панҷакент) | 24 | 2 | 5 | 17 | 23-65 | 11 |
Нишонзанҳои беҳтарин: Абдухалил Боронов («Панҷшер») – 36 тӯб, Фирдавс Зайнуллозода («Чашма»), Хасан Холов («Панҷшер») – 17, Адҳам Абдуллоев («Кӯктош») – 16, Тоҳир Маладӯстов («Помир») – 15 , Некрӯз Козимов («Кӯктош»), Шаҳром Самиев («Помир») – 12.
Ҷоми Осиё-2027 оид ба футбол аз моҳи декабри соли 2027 то январи 2028 доир мешавад
Ҳайати дастаи мунтахаби Тоҷикистон барои иштирок дар Мусобиқаи «Кing’s Сup-2026» муайян шуд
Дастаи мунтахаби наврасони Тоҷикистон дар Дубай се бозии дӯстона анҷом медиҳад
БАРНОМАИ РУШДИ ФУТБОЛ ДАР ТОҶИКИСТОН. Беш аз 15 ҳазор наврасон ба тамрини футбол фаро гирифта шуданд
Шурои мураббиёни ФФТ натиҷаи фаъолияти дастаҳоро ҷамъбаст ва нақшаҳои соли 2027-ро баррасӣ намуд
Варзишгари тоҷик Фатҳулло Одинаев дар марафони байналмилалии Ню-Йорк иштирок намуд
Ҳафт паҳлавони тоҷик дар Чемпионати ҷаҳон оид ба гӯштини кураш дар Қазоқистон иштирок менамоянд
Дастаи миллии Тоҷикистон оид ба футзал бо дастаи мунтахаби Узбекистон бозиҳои дӯстона анҷом медиҳад
Дар ноҳияи Абдураҳмони Ҷомӣ Мусобиқаи кушод оид ба гӯштини тарзи озод байни наврасон оғоз гардид
Наврасони Тоҷикистон баъди ғалаба дар дивизиони «D» дар Боку ба Ватан баргаштанд
Президенти Кумитаи паралимпии Осиё ба натиҷаи иштироки дастаи мунтахаби Тоҷикистон дар Бозиҳои паралимпии Осиё баҳои баланд дод
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
