Пешвои миллат Эмомалӣ Раҳмон: «Неругоҳи барқи обии «Сарбанд» солҳои 60 — уми асри гузашта калонтарин иншооти барқии минтақа ба шумор мерафт»

Ноябрь 18, 2016 11:21

Душанбе, 18.11.2016 /АМИТ «Ховар»/. «Неругоҳи барқи обии «Сарбанд» бо иқтидори лоиҳавии 240 мегаватт чорумин иншооти калони энергетикии кишвар мебошад». Ин нуктаро имрӯз Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни суханронии худ дар маросими оғози татбиқи лоиҳаи «Таҷдиди неругоҳи барқи обии «Сарбанд»» баён намуданд.
Сарвари давлат ҳамчунин иброз намуданд, ки неругоҳ солҳои 60 — уми асри гузашта аз ҷумлаи калонтарин иншооти барқии минтақа ба шумор мерафт.
«Дар неругоҳи мазкур аз ҳамон вақт то имрӯз, яъне дар давоми қариб шаст сол ба ҷуз аз таҷдиди як агрегат дигар ҳеҷ гуна корҳои таҷдиду навсозӣ анҷом дода нашудаанд ва дар шароити кунунӣ иқтидорҳои дастраси он ба 160 мегаватт баробар мебошанд»,- афзуданд Президенти кишвар.
Ба иттилои Пешвои миллат, бо сабаби аз кор мондани низоми назорат ва танзими баландшавии об солҳои 1993 — 1994 агрегати дуюм қисман зери об монда буд. Бинобар ин, соли 2013 байни Ҳукумати кишвар ва Бонки осиёии Рушд оид ба амалӣ намудани лоиҳаи «Таҷдиди неругоҳи барқи обии «Сарбанд» Созишномаи грантӣ ба маблағи зиёда аз як миллиард сомонӣ ба имзо расонида шуд.
Ҳамзамон бо ин, бо дастгирии молиявии бонки мазкур асосноккунии техникиву иқтисодии лоиҳа омода карда шуда, бо ҷалби ширкатҳои байналмилалӣ ҳуҷҷатҳои тендерӣ омода ва ширкати пудратчӣ интихоб гардид.

Ноябрь 18, 2016 11:21

Хабарҳои дигари ин бахш

Ҳунарҳои мардумӣ бо усули «хона ба хона» ва «маҳалла ба маҳалла» тарғиб карда шуданд
Дар ноҳияи Муъминобод 26 китобхона фаъолият менамояд
Имрӯз дар шаҳри Душанбе ҳаво то 36 дараҷа гарм мешавад
Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад