Протоколи муштараки Тоҷикистону Қирғизистон оид ба баррасии маҷмӯии масоили ҳамкории дуҷониба имзо шуд
Душанбе, 23.11.2016. /АМИТ «Ховар»/. 22 ноябр дар шаҳри Бишкеки Ҷумҳурии Қирғизистон ҷаласаи 15-уми Комиссияи байниҳукуматии Тоҷикистон ва Қирғизистон оид ба баррасии маҷмӯии масоили ҳамкории дуҷониба баргузор гардид.
Ҳайати Ҳукумати Ҷумҳурии Тоҷикистон дар кори ин ҷаласа бо роҳбарии муовини Сарвазири мамлакат Азим Иброҳим иштирок намуд.
Ҷониби Қирғизистонро дар кори ҷаласа ноиби Сарвазир Жанеш Разоқов роҳбарӣ кард.
Дар охири кори ҷаласа Протоколи муштараки ҷаласаи 15-уми Комиссияи байниҳукуматии Тоҷикистон ва Қирғизистон оид ба баррасии маҷмӯии масоили ҳамкории дуҷониба имзо шуд, ки муҳтавои он вазъ ва дурнамои ҳамкории дуҷонибаи Тоҷикистон ва Қирғизистонро дар соҳаҳои иқтисоду тиҷорат, саноат, энергетика, истифодаи оқилонаи захираҳои обӣ, нақлиёт, сарҳад, гумрук, кишоварзӣ, илму маориф, тандурустӣ, ҳифзи муҳити зист, фарҳанг, варзиш ва тарбияи ҷисмонӣ дар бар мегирад. Ба Протоколи муштараки ҷаласаи 15-уми Комиссияи байниҳукуматии Тоҷикистон ва Қирғизистон оид ба баррасии маҷмӯии масоили ҳамкории дуҷониба муовини Сарвазири мамлакат, Раиси Комиссия аз ҷониби Ҷумҳурии Тоҷикистон Азим Иброҳим ва муовини Сарвазири Ҷумҳурии Қирғизистон, Раиси Комиссия аз ҷониби ин кишвар Жанеш Разоқов имзо гузоштанд.
Тибқи мувофиқаи ҳосилшуда ҷаласаи навбатии Комиссияи байниҳукуматии Тоҷикистон ва Қирғизистон оид ба баррасии маҷмӯии масоили ҳамкории дуҷониба дар Ҷумҳурии Тоҷикистон доир мегардад.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






