Рӯзҳои охири ҳафтаи равон обу ҳаво номусоид мегарданд

Душанбе, 2.11.16. /АМИТ «Ховар»/. Мутахассисони Агентии обуҳавошиносии Тоҷикистон рӯзҳои наздик дар ҷумҳурӣ то 10 -12 дараҷа пастшавии харорати ҳаворо пешгӯӣ менамоянд.
Тавре ба АМИТ «Ховар» аз агентии мазкур хабар доданд, 3 -4 ноябр дар қаламрави ҷумҳурӣ ҳавои тағйирёбанда, борони кӯтоҳмуддат, дар баъзе ҷойҳо борони шиддатнок ва дар ноҳияҳои кӯҳӣ барф дар назар дошта шудааст.
Новобаста аз он, ки 5-6 ноябр ҳавои бебориш дар назар дошта шудааст, аммо дар ин рӯзҳо сардии ҳарорати ҳаво боқӣ мемонад.
Бар асоси пешгӯии обуҳавошиносон имрӯз, 2 ноябр дар ҷумҳурӣ ҳавои тағйирёбандаи бебориш пешгӯӣ шуда, ҳаво дар Суғд то 20-25 дараҷа, Хатлон 26-31 дараҷа, навоҳии тобеи марказ- 24-29 дараҷа ва ВМКБ то 14-19 дараҷа гарм хоҳад шуд.