Ташкили марказҳои мустақили гармидиҳӣ дар муассисаҳои таълимии ноҳияи Б. Ғафуров
Душанбе, 19.11.2016 /АМИТ «Ховар»/. Дар доираи омодагиҳо ба давраи тирамоҳу зимистон дар муассисаҳои маориф ва тандурустии ноҳияи Бобоҷон Ғафуров марказҳои гармидиҳии мустақил ташкил гардиданд. Бино ба иттилои мақомоти иҷроияи ҳокимияти давлатии ноҳияи Бобоҷон Ғафуров, дар 19 муассисаи таълимӣ барои гармидиҳии 274 синфхона, устохонаҳои таълимӣ, толорҳои варзишӣ ва ошхонаи мактабӣ марказҳои мустақили гармидиҳӣ истифода мешаванд.
Соли равон дар 4 муассисаи таълимӣ ва кӯдакистони рақами 8 марказҳои мустақили гармидиҳӣ фаъол гардиданд.
Дар давраи зимистон 3 бинои таълимии мактаби таҳсилоти миёнаи умумии рақами 30 тавассути 4 печи гармидиҳии марказонидашуда гармиро таъмин менамояд. Дар ин муассисаи таълимӣ барои кори як маҷмӯи компютер ва проектор бо саҳми хатмкунандагони мактаб 5 панели офтобӣ насб гардидааст, ки як киловатт-соат неруи барқ истеҳсол мекунад. Ин намунаи татбиқи истифодаи сарфаҷӯёнаи энергия ва истифода аз усули алтернативии бо нури офтоб истеҳсол кардани энергияи барқ мебошад.
Дар соҳаи маорифи ноҳия ангишт ба андозаи меъёри талабот захира шуда, бо 67 адад генератори барқдиҳанда ва хати барқи озод таъмин мебошад.
Дар 81 маркази саломатӣ ва беморхонаҳои минтақавӣ дар ҷамоати деҳот 21 адад генератори барқдиҳанда ва 1 тоннаю 300 литр сӯзишворӣ захира карда шудааст. Ба шуъбаҳои Беморхонаи марказии ноҳия аз тариқи маркази гармидиҳии мустақил гармӣ дода мешавад.
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Азхуд намудани донишҳои замонавӣ беҳтарин роҳ бар зидди ҷаҳолату хурофот аст. Мулоҳизаҳо дар ҳошияи Паёми Президенти Тоҷикистон
Имрӯз дар ноҳияҳои алоҳидаи кӯҳии Тоҷикистон барф меборад
Донишгоҳи давлатии Кӯлоб ба хазинаи Китобхонаи оммавии вилояти Хатлон 400 нусха китоб тақдим намуд
ҶОЙГОҲИ ТОҶИКИСТОН ДАР САҲНАИ БАЙНАЛМИЛАЛӢ. Мулоҳизаҳо дар ҳошияи Паёми Президенти Тоҷикистон
Имрӯз дар Тоҷикистон бориши барф дар назар аст
Маҷмааи эҳёи хотираи таърихӣ ва таҳкими ҳувияти миллӣ дар Душанбе метавонад чун маркази омӯзишӣ барои ҷавонон хизмат намояд
Имрӯз дар ноҳияҳои кӯҳӣ ва доманакӯҳии Тоҷикистон бориши борон ва барф дар назар аст
Имрӯз дар шаҳри Душанбе ҳавои тағйирёбандаи бебориш пешгӯӣ мешавад
Бо мақсади омӯзиши нуктаҳои асосии Паёми Президенти Тоҷикистон дар шаҳри Роғун ҳамоиш доир шуд
Дар Душанбе ҷашни Сада ва намоиши тухмии зироати кишоварзӣ баргузор мегардад
