100 нафар донишҷў соҳиби стипендияи «Дўстӣ»-и Фонди «Хайрия»-и ҶДММ «Хуаксин Ғаюр Семент» гардиданд
ДУШАНБЕ, 15.12.2015. /АМИТ «Ховар»/. Имрўз аввалин маросими супурдани стипендияи «Дўстӣ»-и Фонди «Хайрия»-и ҶДММ «Хуаксин Ғаюр Семент» барои донишҷўёни муассисаҳои таҳсилоти олии касбии Ҷумҳурии Тоҷикистон дар соли 2016 баргузор гардид. Дар он 100 нафар донишҷўи 17 муассисаи таҳсилоти олии касбии шаҳри Душанбе соҳиби стипендия гардиданд.
Дар ин бора ба АМИТ «Ховар» аз Вазорати маориф ва илми Ҷумҳурии Тоҷикистон хабар доданд.
Тавре иттилоъ дода шуд, бо ибтикори Вазорати маориф ва илми Ҷумҳурии Тоҷикистон Фонди «Хайрия»-и ҶДММ «Хуаксин Ғаюр Семент» барои донишҷўёни аълохон ва дар корҳои ҷамъиятии муассисаи таълимӣ фаъол, ятимон ва фарзандони оилаҳои камбизоати муассисаҳои таҳсилоти олии касбии Ҷумҳурии Тоҷикистон ба муддати 5 сол ба сад нафар донишҷў 1 миллион сомонӣ маблағ ҳамчун кумак ҷудо намудааст, ки он ҳар сол ба маблағи 2 000 сомонӣ ба ҳар як донишҷў туҳфа карда мешавад.
Дар маросими супоридани стипендияи мазкур намояндагони Фонди «Хайрия»-и ҶДММ «Хуаксин Ғаюр Семент», Вазорати маориф ва илми Ҷумҳурии Тоҷикистон ва омўзгорони муассисаҳои таҳсилоти олии касбии шаҳри Душанбе иштирок намуданд.
Фонди мазкур тасмим гирифтааст, ки ҳар сол маблағи 200 ҳазор сомониро ба 100 нафар донишҷўёни муассисаҳои таҳсилоти олии касбӣ тақдим намояд. Ин иқдоми фонди мазкур барои дастгирии молиявии донишҷўён ба роҳ монда шудааст.
«ПАЁМ — РОҲНАМО БАРОИ ИҶРОИ ҲАДАФҲОИ ШОИСТА». Таҳти ин унвон ҳамоиши илмӣ-назариявӣ баргузор шуд
Дар мақомоти Ваколатдор бахшида ба 32-солагии таъсиси Қувваҳои Мусаллаҳ ҳамоиши идона доир гардид
БӮЙИ БАҲОР МЕРАСАД. Тоҷикистониёнро дар ин фасл чӣ гуна ҳаво интизор аст?
Имрӯз дар шаҳри Душанбе ҳаво то 17 дараҷа гарм мешавад
Дар қисми низомӣ дар вилояти Суғд Рӯзи дарҳои кушод доир гардид
Маркази ҷумҳуриявии илмии саратоншиносӣ бо дастгоҳи муосири ташхиси рентгении рақамӣ (Digital x-ray) таъмин гардид
Таҳаввулоти рақамӣ: чӣ тавр технологияҳои рақамӣ ҳаётро тағйир медиҳанд
Имрӯз дар Тоҷикистон ҳавои тағйирёбандаи бебориш пешгӯӣ мешавад
«БА ДАВЛАТУ МИЛЛАТАМ СОДИҚОНА ХИЗМАТ МЕКУНАМ!». Дар Душанбе Фестивали дӯстии афсарону сарбозон ва ҷавонони синни даъватӣ баргузор мегардад
«КАДБОНУИ БЕҲТАРИН». Дар ноҳияи Бобоҷон Ғафуров даври ноҳиявии ин озмун баргузор гардид
Имрӯз дар баъзе аз ноҳияҳои кӯҳии Тоҷикистон бориши барфу борон дар назар аст
Имрӯз дар баъзе ноҳияҳои Тоҷикистон туман мефарояд
