Бардошти бонкдорони ҷумҳурӣ аз Паёми Президенти мамлакат ба Маҷлиси Олии Ҷумҳурии Тоҷикистон

Декабрь 22, 2016 17:09

ДУШАНБЕ, 22.12.2016 /АМИТ «Ховар»/. Имрӯз, 22 декабри соли 2016 кормандони дастгоҳи марказии Бонки миллии Тоҷикистон дар маҷлисгоҳи бонк Паёми Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистонро тамошо карданд.
Дар ин бора аз хадамоти матбуоти Бонки миллии Тоҷикистон хабар доданд.
Асосгузори сулҳу ваҳдати миллӣ — Пешвои миллат дар Паёми худ аз муваффақиятҳои дар тӯли 25 соли Истиқлолияти давлатӣ, натиҷаҳои ба даст овардашуда дар самти расидан ба ҳадафҳои афзалиятноки стратегӣ (истиқлолияти энергетикӣ, раҳоӣ аз бунбасти коммуникатсионӣ ва таъмини амнияти озуқаворӣ), рушди соҳаҳои маориф, илм, фарҳанг ва тандурустӣ, коҳиш ёфтани сатҳи камбизоатӣ дар ин солҳо ҳарф зада, зикр намуданд, ки «дар соли ҷорӣ бо вуҷуди таъсири манфии омилҳои берунӣ рушди босуботи иқтисодии мамлакат нигоҳ дошта шуда, иҷрои нишондиҳандаҳои макроиқтисодӣ ва иҷтимоӣ тибқи ҳадафҳои афзалиятнок таъмин гардид. Сарфи назар аз коҳишёбии қурби пули миллӣ нисбат ба асъори хориҷӣ, нархҳо дар бозори истеъмолӣ дар сатҳи муътадил нигоҳ дошта шуда, таваррум 6 фоизро ташкил медиҳад».
Асосгузори сулҳу ваҳдати миллӣ-Пешвои миллат фаъолияти муътадили низоми бонкиро дар шароити имрӯза аз омилҳои асосии тараққиёти босуботи иқтисодӣ хонда, таъкид намуданд, ки Ҳукумати мамлакат, Бонки миллӣ ва Вазорати молия вазифадоранд фаъолияти бонкҳо, ташкилотҳои қарзӣ ва корхонаву муассисаҳои буҷетиро ба таври қатъӣ назорат намоянд. Бояд дар самти ҳифзи ҳуқуқу манфиатҳои қонунии амонатгузорон, пеш аз ҳама, нигоҳ доштани эътимоди аҳолӣ ва иҷрои уҳдадориҳои бонкӣ тадбирҳои фаврӣ андешанд.

Декабрь 22, 2016 17:09

Хабарҳои дигари ин бахш

«БА ДАВЛАТУ МИЛЛАТАМ СОДИҚОНА ХИЗМАТ МЕКУНАМ!». Дар Душанбе Фестивали дӯстии афсарону сарбозон ва ҷавонони синни даъватӣ баргузор мегардад
«КАДБОНУИ БЕҲТАРИН». Дар ноҳияи Бобоҷон Ғафуров даври ноҳиявии ин озмун баргузор гардид
Имрӯз дар баъзе аз ноҳияҳои кӯҳии Тоҷикистон бориши барфу борон дар назар аст
Имрӯз дар баъзе ноҳияҳои Тоҷикистон туман мефарояд
Дар ноҳияи Муъминобод 168 километр роҳи мошингард таъмир гардид
«Oila TV» – шабакаҳои телевизионӣ мувофиқи ҳар табъу завқ
Имрӯз дар ноҳияҳои кӯҳии Тоҷикистон бориши борон ва барф дар назар аст
«КИТОБ БАРОИ МУҲОФИЗОНИ ВАТАН». Бахшида ба Рӯзи Қувваҳои Мусаллаҳи Ҷумҳурии Тоҷикистон иқдоми тақдими китоб идома дорад
Имрӯз дар баъзе ноҳияҳои Тоҷикистон бориши борон ва барф дар назар аст
АМАЛИЁТИ «ПИЁДАГАРД». Ҳадафи он коҳиш додани сатҳи садаманокӣ дар Тоҷикистон аст
МУШОҲИДОНИ БАЙНАЛМИЛАЛӢ. Қоидаҳои иштирок ва мақоми онҳо дар интихоботи вакилони Маҷлиси намояндагони Маҷлиси Олии Ҷумҳурии Тоҷикистон чӣ гуна аст?
«ЭЪЛОМИЯИ ҲУҚУҚИ БАШАРИ КУРУШИ КАБИР». Ин санад бузургтарин мероси маънавӣ дар миқёси умумибашарӣ аст