Дар ноҳияи Шаҳринав «Маркази ҷавонон» ифтитоҳ шуд
Душанбе, 02.12.2016 /АМИТ «Ховар»/. Дар ноҳияи Шаҳринав «Маркази ҷавонон» мавриди истифода қарор дода шуд.
Дар ин бора аз Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон хабар доданд.
Ба иттилои манбаъ, сохтмони маркази мазкур соли 2013 оғоз гардида, он бо харҷи беш аз 2 млн. сомонӣ бо дастгирии Ҳукумати Ҷумҳурии Тоҷикистон аз ҷониби Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон бунёд шудааст.
«Фаъолияти ин марказ ба ҷавонон барои баланд бурдани малакаи касбиву корӣ, забономӯзӣ ва воқиф будан аз технологияи муосир мусоидат менамояд»,- иброз дошт Сайфиддин Давлатзода, сардори Раёсати илму маърифати Дастгоҳи иҷроияи Президенти Ҷумҳурии Тоҷикистон зимни ифтитоҳи марказ.
Аҳтам Абдуллозода, раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон зикр кард: «Дар зарфи 25 соли соҳибистиқлолии кишвар дастгирии давлату Ҳукумат дар татбиқи сиёсати давлатии ҷавонон ва варзиш хело ҳам назаррас арзёбӣ гардида, дар ин самт пайваста барои ин қишри ҷомеа силсилатадбирҳо андешида мешаванд».
Ёдовар мешавем, ки дар рафти ифтитоҳи «Маркази ҷавонон»-и ноҳияи Шаҳринав намояндагони Дастгоҳи иҷроияи Президенти Ҷумҳурии Тоҷикистон, роҳбарияти Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон, Мақомоти иҷроияи ҳокимияти давлатии ноҳияи Шаҳринав, фаъолону ҷавонон ва сокинони касбу кори гуногуни ноҳия иштирок намуданд.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






