Дар вилояти Суғд сомонаи нави сайёҳӣ фаъол гардид

ДУШАНБЕ, 13.12.2016. /АМИТ «Ховар»/. Бо мақсади рушди соҳаи туризм ва ҷалби сайёҳони дохиливу хориҷӣ ба минтақаҳои дидании вилояти Суғд аз ҷониби Раёсати ҷавонон, варзиш ва сайёҳии вилоят бори нахуст сомонаи нави интернетӣ бо суроғаи www.welcomesugd.tj фаъол карда шуд.
Дар ин бора аз Хадамоти матбуоти вилояти Суғд хабар доданд.
«Иқдоми мазкур бо мақсади муаррифии ҷойҳои таърихиву фарҳангии вилояти Суғд ва ҷалби бештари сайёҳони хориҷӣ ба вилоят роҳандозӣ гардид»,-зикр кард манбаъ.
Дар сомонаи мазкур имкониятҳои сайёҳии вилоят ба намоиш гузошта мешаванд.