Дастаи «Ҳосилот»-и Фархор омодагиро ба бозиҳои плей-оффи Ҷоми Конфедератсияи футболи Осиё оғоз кард
ДУШАНБЕ, 13.12.2016 /АМИТ «Ховар»/. Дастаи «Ҳосилот»-и Фархор омодагиро ба бозиҳои плей-оффи Ҷоми Конфедератсияи футболи Осиё оғоз кард. Дар ин бора сармураббии даста Муҳаммадҷон Ҳабибуллоев ба хабарнигори АМИТ «Ховар» иттилоъ дод.
«Ҳосилот»-и Фархор нахустин дастаи Тоҷикистон аст, ки барои мавсими футболи соли 2017 аз ҳама пеш ба тамринҳо фаро гирифта шуд, зеро «Ҳосилот» барои роҳхат ба бозиҳои гурӯҳии Ҷоми КФО 31 январ вохӯрии аввали худро дар сафар бо чемпиони Афғонистон- «Шоҳин Асмоӣ» барпо мекунад. Бозии ҷавобии дастаҳо дар шаҳри Душанбе 7 феврал доир хоҳад шуд.
«Ҳоло на ҳамаи бозингароне, ки шарафи дастаи моро имсол ҳимоя мекунанд, ба даста ҳозир шудаанд. Танҳо ҳамлагари ганагӣ Агблей Ҷонес, ки соли гузашта дар ҳайати дастаи «Хайр» бозӣ кардааст ва Бахтиёр Қаландаров аз тими «Вахш» ба мо ҳамроҳ шудаанд»,-афзуд Муҳаммадҷон Ҳабибуллоев.
Роҳбарияти клуби футболи «Ҳосилот» барои пурқувват кардани даста гуфтушуниди худро бо як гурӯҳ бозингарон идома медиҳад. Даста дар назди худ мақсад гузоштааст, ки дар бозиҳои плей-офф ғолиб омада, ба бозиҳои гурӯҳӣ шомил шавад.
Ёдрас мешавем, ки «Ҳосилот» дар сурати ғалаба бар чемпиони Афғонистон -«Шоҳин Асмоӣ» дар бозии дуюм бо ғолиби ҷуфти дастаҳои «Балкан»-и Туркманистон ва «Дордой»-и Қирғизистон вориди рақобат мешавад.
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
