Дастур: ҳамаи камбудиҳо дар самти коҳиши хатари офатҳои табиӣ бояд сари вақт бартараф шаванд
Душанбе, 06.12.2016 /АМИТ «Ховар»/. Раиси ноҳияи Исмоили Сомонии пойтахт Аламхон Қурбонов имрӯз зимни ҷаласаи мудофиаи гражданӣ ва ҳолатҳои фавқулода дар ноҳия дастур дод, ки дар наздиктарин фурсат ҳамаи камбудиҳои ошкоршуда дар муассисаҳои маорифи кишвар дар самти коҳиши хатари офатҳои табиӣ бартараф карда шаванд.
Дар ин бора сомонаи Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон хабар медиҳад.
«Инчунин дар ҷаласа натиҷаи фаъолияти ниҳод дар 11 моҳи соли равон баррасӣ гардид. Ҳадафи ҷаласа баррасии омодагии мақомоти идорӣ, татбиқи чорабиниҳо оид ба коҳиши хатари офатҳои табиӣ ва баланд бардоштани омодагии неруҳо ва воситаҳо барои пешгирӣ ва бартарафсозии оқибатҳои ҳолатҳои фавқулода буд»,-хабар дод манбаъ.
Ба роҳбарони ташкилоту идораҳо ва муассисаҳои ноҳия супориш дода шуд, ки то моҳи феврали соли 2017 асноди марбут ба ҳолатҳои фавқулода ва мудофиаи гражданӣ барои тафтиши пурра омода карда шаванд. «Инчунин ҳамаи иншооти ҳимоявӣ, ки дар ихтиёри ноҳия ҳастанд, бояд пурра таъмир ва камбудиҳои дар соли 2016 ошкоршуда дар фаъолияти кӯлҳо бартараф карда шаванд. Роҳбарони он ташкилоту муассисаҳои ноҳия, ки дар самти коҳиши хатари офатҳои табиӣ саҳм гузоштаанд, бо ифтихорномаҳои Раиси Кумита сарфароз гардонида шуданд»,-зикр кард манбаъ.
Бояд гуфт, ки дар ҷаласа муовини Раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон полковник Муҳаммадҷон Салимзода, роҳбарони як зумра идораҳо, муассисаҳои маориф ва тандурустии ноҳия ширкат намуданд.
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
НАВРӮЗИ ФАЙЗРЕЗ. Ин ҷашн дар таълифоти Абурайҳони Берунӣ ҷойгоҳ ва мақоми хосса дорад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
