Донишҷӯёни ДДХ ғолиби мусобиқаи шоҳмот шуданд

Декабрь 12, 2016 14:20

ХОРУҒ, 12.12.2016. /АМИТ «Ховар»/. Сабқати вилоятӣ байни шоҳмотбозони Вилояти Мухтори Кӯҳистони Бадахшон бо пирӯзии донишҷӯёни Донишгоҳи давлатии Хоруғ ба номи Моёншо Назаршоев ба итмом расид. Сабқат шаш рӯз давом кард ва дар он наздики 50 нафар аз шоҳмотбозони баргузидаи вилоят ширкат доштанд. Дар ин бора хабарнигори АМИТ «Ховар аз вилоят хабар дод.
Сардовари мусобиқа Вафомамад Нурмамадов бо изҳори хушҳолӣ гуфт: «Донишҷӯён аксарияти ҷавонон, ҳатто варзишгарони ботаҷриба ва соҳибунвонро шикаст дода, дар сархати ҷадвали ин сабқат қарор гирифтанд. Пирӯзии ҷавонон бори дигар моро умедвор месозад, ки федератсияи шоҳмот сарфи назар аз баъзе мушкилоти техникӣ дар роҳи дуруст гом мебардорад. Яке аз омилҳои пирӯз гардидани ҷавонон дар сабқати мазкур-ин дар синфҳои ибтидоӣ ба роҳ гузоштани дарси шоҳмот мебошад. Минбаъд ин ҷавонон мустақилона бо истифода аз шабакаи интернет ва рӯзномаву маҷалаҳои соҳавӣ малакаву маҳорати худро такмил медиҳанд».
«Мақоми дуюмро низ донишҷӯи ҳамин донишгоҳ Алишер Мамадаёзов ишғол кард. Ин сабқат бо кумаки молии ширкати «Помирэнерҷӣ» ва ҶДММ «Шарқ Ко» баргузор гардид. Ба ғолибон мукофоти пулӣ дар ҳаҷми 3 ҳазор сомонӣ тақдим карда шуд»,-хабар дод манбаъ.

Декабрь 12, 2016 14:20

Хабарҳои дигари ин бахш

Имрӯз дар водиҳои Тоҷикистон ҳаво то 37 дараҷа гарм мешавад
Дар пиряхҳои Помири Шарқӣ ва Марказӣ таҳқиқоти илмӣ-саҳроӣ гузаронида шуд
Имрӯз дар ноҳияҳои кӯҳии Тоҷикистон эҳтимол раъду барқ ба амал ояд
«АБАРМАРДИ ТАЪРИХСОЗ». Китоби академик Фарҳод Раҳимӣ доир ба корнамоиҳои беназири Президенти Тоҷикистон ба нашр расид
Имрӯз дар шаҳри Душанбе ҳаво то 38 дараҷа гарм мешавад
Доир ба мактаби сиёсию давлатдории Пешвои миллат китоб ба нашр расид
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Бо донишҷӯёни ғолиби Стипендияи байналмилалии Президенти Ҷумҳурии Тоҷикистон «Дурахшандагон» вохӯрӣ доир гардид
Сокинони ноҳияи Рашт туҳфаи Пешвои миллат — «Шоҳнома»-и безаволро дастрас намуданд
Толорҳои алоқа дар Тоҷикистон бештар мегарданд
Имрӯз дар водиҳои Тоҷикистон ҳаво то 39 дараҷа гарм мешавад
Дар Панҷакент оид ба омодагии ҷавонон ба хизмати ҳарбӣ машварат баргузор шуд