Маркази ҳунаромӯзии «Хайёт» занону духтаронро ҳунарманд мекунад
ХОРУҒ, 24.12.2016. /АМИТ Ховар/. Маркази ҳунаромӯзии «Хайёт» дар маркази шаҳри Хоруғ аз аввали солҳои 2000-ум ба фаъолият оғоз кард. Раҳбари ин марказ Бибиноз Мирзоева зимни суҳбат бо хабарнигори АМИТ «Ховар» гуфт, ки «пас аз соҳибистиқлол шудани ҷумҳурӣ ва боз гардидани дарвозаи Тоҷикистон ба рӯи кишварҳои дуру наздик таваҷҷуҳи занону духтарон ба расму суннат ва эҳёи ҳунарҳои дастии ниёгон рӯ ба афзоиш ниҳод. Иддае аз духтарон дар назди модарон, занони ҳунарманди ҳамсоя ё деҳа ҳунару истеъдодашонро такмил медоданд, аммо бисёр хоҳишмандон дар канор мемонданд. Инро ба инобат гирифта, соли 2007-ум мо ин марказро таъсис додем. Дар давоми наздик ба даҳ сол бештар аз 500 нафар духтаронро ба омӯзиши ҳунарҳои дӯзандагию бофандагӣ ва таомпазӣ ҷалб намудем».
Ба гуфтаи Бибиноз Мирзоева, дар шароити имрӯза ҳар як духтари тоҷик бояд ҳунари дӯхтану бофтану пухтан дошта бошад ва баъдтар ин ҳунари худро ба фарзандонаш омӯзонад.
«Фаъолияти пурсамар ва натиҷабахши марказ имкон дод, ки дар соли аввали таъсис ба гирифтани 40 ҳазор сомонӣ гранти президентӣ ноил гарданд. Дар марказ бо истифода аз ин маблағ дастгоҳҳои дӯзандагӣ ва маҳсулоти хом харидорӣ намуда, фаъолияти худро боз ҳам густариш доданд»,-зикр кард манбаъ.
Як тан аз шогирдони ин маркази ҳунаромӯзӣ Нафиса Хуҷазизова гуфт, ки баъди хатми давраи омӯзишӣ дар марказ ва аз худ намудани ҳунари дӯзандагӣ соҳиби касб шуд. Ҳоло ӯ аз ин ҳисоб рӯзгорашро пеш мебарад.
Ба наздикӣ ин марказ боз соҳиби даҳ мошини дӯзандагӣ гашт. Ин мошинҳоро ба марказ комиссияи Иттиҳоди Аврупо ҳадя кард.
Дар минтақаи таълимию таҷрибавии «Хуррамзамин» боғи интенсивӣ бунёд мешавад
Аз ҷониби кормандони мақомоти гумрук дар Душанбе муомилоти ғайриқонунии маводи тарфгарӣ пешгирӣ карда шуд
Дар Тоҷикистон баландшавии ҳолати ифлосшавии ҳаво дар назар аст
Дар Донишкадаи давлатии санъати тасвирӣ ва дизайни Тоҷикистон 14 намоиш гузаронида шуд
Ҳавопаймои «Azerbaijan Airlines» дар наздикии шаҳри Актауи Қазоқистон суқут кард
Дар Душанбе масъалаи ҳифзи ҳуқуқҳои шахсони маъюб баррасӣ шуд
«Рақам» барои Суғд. Чӣ тавр МегаФон Тоҷикистон интернети мобилиро дар минтақа рушд медиҳад?
Дар Донишгоҳи давлатии Кӯлоб бахшида ба 100-солагии мунаққиди тоҷик Соҳиб Табаров ҳамоиш баргузор шуд
Кумитаи ҳолатҳои фавқулода ва мудофиаи граждании Тоҷикистон соҳиби 15 техникаи вазнин барои корҳои наҷот гардид
Имрӯз дар Тоҷикистон ҳаво тағйирёбандаи бебориш мешавад
ОБОДОНӢ ДАР ДЕҲОТ. Роҳи деҳаи Сари Чашмаи ноҳияи Файзобод мумфарш карда шуд
Аёдати беморон ва дидорбинии собиқадорон амали хайр аст
