Медали нуқраи Шоира дар Ҷоми ҷаҳонии бокс

Декабрь 23, 2016 09:25

ДУШАНБЕ, 23.12.2016 /АМИТ «Ховар»/. Шоира Зулқайнарова дар Ҷоми ҷаҳонии бокс байни кишварҳои истихроҷкунандаи нафт ба хотираи нахустин кашшофи нафт дар ин минтақа Фармон Салмонов, ки дар шаҳри Нежневартовски минтақаи Ханти-Мансийски Россия барпо гардид, медали нуқра ба даст овард. Дар ин бора сомонаи мусобиқа хабар медиҳад.
«Шоира Зулқайнарова дар рақобатҳо дар вазни то 64 кг дар аввалин қувваозмоиаш бар намояндаи Русия Гулноз Шарипова бо бартарии комил пирӯз шуд. Баъдан бар рақибаш Лина Бао аз Чин бо ҳисоби 3:2 ғолиб омад. Шоира дар даври нимниҳоӣ Елена Устиноваи россиягиро бо ҳисоби 5:0 шикаст дода, ба финал роҳхат гирифт ва бо Ирина Сафарова, узви дастаи соҳибони майдон рақобат кард. Аз рӯи натиҷаи чор давр доварон Иринаро ғолиб донистанд ва Шоира Зулқайнарова соҳиби ҷойи дуюм шуд ва бо медали нуқра сарфароз гардид»,-хабар дод манбаъ.
Шоира Зулқайнарова соли гузашта дар ин мусобиқа сазовори медали биринҷӣ гардида буд.
«Дар мусобиқа соли равон 130 муштзан аз 14 кишвари ҷаҳон ширкат варзиданд. Ба ҳайати дастаи мунтахаби Тоҷикистон се мард Бахтовар Сагизов (52 кг), Ҷамшед Бурҳонов (69 кг), Сиёвуш Асроров (+91 кг) ва як зан Шоира Зулқайнарова (64 кг) дохил буданд.
Танҳо ба Шоира Зулқайнарова муяссар гардид, ки натиҷаи ибратбахш нишон диҳад. Дигар муштзанҳои тоҷик дар даврҳои муқаддамотӣ аз рақибонашон шикаст хӯрда, аз ҳаққи идомаи мубориза барои медалҳо маҳрум шуданд»,-овардааст сомонаи мусобиқа.
Шоира Зулқайнарова соли 2015 ба рӯйхати даҳ варзишгари беҳтарини сол дохил шуда буд. Ӯ моҳи августи соли гузашта дар Чемпионати Осиё оид ба бокс миёни занон дар шаҳри Уланчаби Чин дар вазни то 64 кило бо медали биринҷӣ сарфароз гашт.
Шоира Зулқайнарова донишҷӯи Донишгоҳи давлатии тиҷорати Тоҷикистон буда, таҳти роҳбарии Ҷамшед Султонов машқ мекунад.

Декабрь 23, 2016 09:25

Хабарҳои дигари ин бахш

Ширкати «Париматч Тоҷикистон» сарпарасти кулли Лигаи якум-2024 гардид
Варзишгарони ҷавони тоҷик дар мусобиқаҳои байналмилалӣ оид ба бокс дар Остона ва Боку сазовори медалҳои биринҷӣ гардиданд
Имрӯз мусобиқаи «Antalya Grand Slam-2024» оид ба ҷудо оғоз мешавад
Чемпионати 33-юми Тоҷикистон оид ба футбол байни дастаҳои Лигаи олӣ моҳи апрел оғоз мешавад
ШОҲҶОИЗА- ЭЛЕКТРОМОБИЛ. Дар Вилояти Мухтори Кӯҳистони Бадахшон мусобиқаҳои варзишӣ ҷамъбаст шуданд
ҶОМИ ҶАҲОН-2026. Бозии дастаҳои мунтахаби Тоҷикистон ва Арабистони Саудӣ мусовӣ анҷом ёфт
ҶОМИ ҶАҲОН-2026. Имрӯз дастаи мунтахаби Тоҷикистон дар Душанбе дар марҳилаи интихобӣ бо тими Арабистони Саудӣ бозӣ менамояд
ФУТБОЛ. Имрӯз бозии дуюми дӯстонаи дастаи олимпии Тоҷикистон (U-23) бо тими Ветнам баргузор мегардад
ҶОМИ ҶАҲОН-2026. Дастаи мунтахаби Тоҷикистон дар марҳилаи интихобӣ аз тими Арабистони Саудӣ мағлуб шуд
ҶОМИ ҶАҲОН-2026. Дастаи мунтахаби Тоҷикистон ба муқобили дастаи Арабистони Саудӣ бо либосҳои сурх бозӣ менамояд
26 март дар вилояти Суғд мусобиқаҳои миллии пойга ва бузкашӣ доир мешаванд
Гела Шекиладзе: «Моро бо дастаи Арабистони Саудӣ бозии душвор интизор аст»