Ҷоми ҷаҳон байни клубҳо: «Реал»-«Америка» 2:0

Декабрь 16, 2016 12:01

ДУШАНБЕ, 16.12.2016 /АМИТ «Ховар»/. Дар вохӯрии дуюми нимниҳоии Ҷоми ҷаҳон оид ба футбол байни клубҳо, ки дар Япония идома дорад, «Реал»-и Мадрид бар КФ «Америка»-и Мексика бо натиҷаи 2:0 ғолиб омад. Ин даста акнун дар бозии ниҳоӣ бо клуби футболи «Касима Антлерс»-и Япония 18 декабр қувва месанҷад. Дар ин бора сомонаи «news.sportbox.ru» хабар медиҳад.
«Дар ин вохӯрӣ голи аввалро Карим Бензема дар поёни нимаи аввал ба ҳадаф расонд. Дар мавриди голи дуюм, ки дар дақиқаи 90+3 аз ҷониби Криштиано Роналдо зада шуд, довари бозӣ Энрике Касереси парагваӣ ба кумаки видеовар рӯй овард, то ба дуруст зада шудани гол боварӣ ҳосил кунад»,- менависад манбаъ.
Ба ҳамин тартиб, ғолиби Лигаи чемпионҳои Аврупо — «Реал», ки муборизаро барои Ҷоми ҷаҳон байни клубҳо аз рақобати ½-ниҳоӣ шурӯъ кард, баъди ғалаба бар КФ «Америка» ба бозии ниҳоӣ роҳхат гирифт. Ҳарифи ӯ дар финал КФ «Касима Антлерс»-и Япония, ки бори аввал дар таърихи гузаронидани Ҷоми ҷаҳон байни клубҳо аз Осиё ба бозии финалӣ роҳхат гирифтааст, ба шумор меравад. То бозии ниҳоӣ японҳо бар дастаҳои футболи «Окленд Сити» (Зеландияи нав, 1/8-ниҳоӣ) 2:1, «Мамелоди Сандаунз» (Африқои Ҷанубӣ, ¼ -ниҳоӣ) 2:0 ва «Атлетико Насйонал» (Колумбия, ½-ниҳоӣ) 3:0 ғолиб омаданд.
Ёдрас мешавем, ки Чемпионати ҷаҳон байни клубҳо ( FIFA Club World Championship) аз ҷониби ФИФА соли 2000 таъсис ёфт. Баъдан дар соли 2005 номи он ба Ҷоми ҷаҳон байни клубҳо (FIFA Club World Cup) тағйир дода шуд ва он имсол маротибаи 13-ум гузаронида мешавад. Дар он дастаҳои чемпиони 6 қитъа ва дастаи соҳиби майдон иштирок мекунанд.
«Барселона»-и Испания се маротиба (солҳои 2009, 2011 ва 2015) ин унвонро ба даст овардааст. «Реал»-и Мадрид соли 2014 дар бозии ниҳоӣ бар «Сан Лоренсо»-и Аргентина бо натиҷаи 2:0 ғолиб омада, соҳиби унвон шуда буд. Агар дар ин бозии ниҳоӣ ғолиб ояд, он гоҳ шумораи ғалабаҳояш ба ду адад хоҳад расид.

Декабрь 16, 2016 12:01

Хабарҳои дигари ин бахш

Имрӯз мусобиқаи «Antalya Grand Slam-2024» оид ба ҷудо оғоз мешавад
Чемпионати 33-юми Тоҷикистон оид ба футбол байни дастаҳои Лигаи олӣ моҳи апрел оғоз мешавад
ШОҲҶОИЗА- ЭЛЕКТРОМОБИЛ. Дар Вилояти Мухтори Кӯҳистони Бадахшон мусобиқаҳои варзишӣ ҷамъбаст шуданд
ҶОМИ ҶАҲОН-2026. Бозии дастаҳои мунтахаби Тоҷикистон ва Арабистони Саудӣ мусовӣ анҷом ёфт
ҶОМИ ҶАҲОН-2026. Имрӯз дастаи мунтахаби Тоҷикистон дар Душанбе дар марҳилаи интихобӣ бо тими Арабистони Саудӣ бозӣ менамояд
ФУТБОЛ. Имрӯз бозии дуюми дӯстонаи дастаи олимпии Тоҷикистон (U-23) бо тими Ветнам баргузор мегардад
ҶОМИ ҶАҲОН-2026. Дастаи мунтахаби Тоҷикистон дар марҳилаи интихобӣ аз тими Арабистони Саудӣ мағлуб шуд
ҶОМИ ҶАҲОН-2026. Дастаи мунтахаби Тоҷикистон ба муқобили дастаи Арабистони Саудӣ бо либосҳои сурх бозӣ менамояд
26 март дар вилояти Суғд мусобиқаҳои миллии пойга ва бузкашӣ доир мешаванд
Гела Шекиладзе: «Моро бо дастаи Арабистони Саудӣ бозии душвор интизор аст»
ҶОМИ ҶАҲОН-2026. Имрӯз дастаи мунтахаби Тоҷикистон дар марҳилаи интихобӣ бо тими Арабистони Саудӣ бозӣ менамояд
ҶОМИ ҶАҲОН-2026. Дастаи мунтахаби Тоҷикистон оид ба футбол дар шаҳри Риёз нахустин тамринҳоро анҷом дод