Он рӯз дур нест, ки Тоҷикистон ба кишвари саноатӣ- аграрӣ мубаддал гардад

Декабрь 27, 2016 14:18

ДУШАНБЕ, 27.12.2016/АМИТ «Ховар»/. «Он рӯз дур нест, ки Тоҷикистон аз кишвари аграрӣ-саноатӣ ба кишвари саноатӣ- аграрӣ табдил ёбад». Матлаби мазкур зимни муҳокимаи парлумонӣ, ки ба масъалаи «Иҷрои Буҷети давлатии Ҷумҳурии Тоҷикистон ҷиҳати маблағгузории «Барномаи давлатии рушди соҳаи геологияи Ҷумҳурии Тоҷикистон барои солҳои 2012-2020» ва ҳисоботи ташаббуси шаффофият дар соҳаи истихроҷ дар Ҷумҳурии Тоҷикистон» бахшида шуда буд, зикр гардид. Дар муҳокимаи парлумонӣ Акрамшо Фелалиев, муовини раиси Маҷлиси намояндагон зикр кард, ки Президенти кишвар Эмомалӣ Раҳмон дар Паёмашон ба Маҷлиси Олӣ зикр намуданд, ки «яке аз ҳадафҳои стратегии кишвар- ин саноатикунонии мамлакат мебошад». Аз ин рӯ, ба истифода додани корхонаҳои саноатӣ, неругоҳҳои барқи обӣ ҷиҳати татбиқи нақшаи стратегии Ҳукумати Ҷумҳурии Тоҷикистон қадами муассирест дар ин роҳ. Он рӯз дур нест, ки Тоҷикистон ба кишвари саноатӣ- аграрӣ табдил ёбад.
Таъкид шуд, ки ҷиҳати рушди соҳаҳои саноат дар заминаи истифодаи захираҳои маъдани маҳаллӣ оид ба корҳои ҷустуҷӯию иктишофии сарватҳои зеризаминӣ «Барномаи давлатии рушди соҳаи геология барои солҳои 2012-2020» низ таҳия гардидааст. Зимнан дар ин самт Саридораи геологияи ҷумҳурӣ сиёсати давлатиро дар идоракунӣ ва танзими омӯзишӣ геологияи қаъри замин, истифодаи самаранок ва аз нав барқароркунии захираҳои ашёи минералиро татбиқ ва амалӣ намуда, фонди давлатии иттилоотии геологӣ оид ба қаъри замини Тоҷикистонро пеш мебарад.
Ҳамчунин аз рӯи масъалаи мазкур дар муҳокимаи парлумонӣ Сардори саридораи геологияи назди Ҳукумати Ҷумҳурии Тоҷикистон Муроди Хол, муовини вазири молияи ҷумҳурӣ Меҳринамо Ҷонмаҳмадова ва дигар намояндагони вазорату идораҳои марбутаи кишвар ибрози назар намуданд.

Декабрь 27, 2016 14:18

Хабарҳои дигари ин бахш

Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд