Пагоҳ дар Консерваторияи миллии Тоҷикистон маҳфили эҷодии Қудратулло Яҳёзода баргузор мешавад
ДУШАНБЕ, 08.12.2016 /АМИТ «Ховар»/. Пагоҳ, 9 декабр соати 14:00 дар Консерваторияи миллии Тоҷикистон ба номи Т. Сатторов маҳфили эҷодии Қудратулло Яҳёзода доир мегардад.
Тавре аз Вазорати фарҳанги кишвар хабар доданд, «дар маҳфил иштироки васеи устодону донишҷӯён ва мухлисони асарҳои бастакори номӣ Қудратулло Яҳёзода, инчунин намоиши барномаи консертӣ, ки аз осори соҳибҷашн иборат аст, дар назар аст».
«Қудратулло Яҳёзода Арбоби ҳунари Тоҷикистон ва барандаи Ҷоизаи давлатии ба номи Рӯдакӣ буда, дар олами мусиқӣ осори гуногунҷабҳаи гаронбаҳо дорад. Ӯ соли равон ба синни мубораки 70 қадам ниҳод»,-хабар доданд аз Вазорати фарҳанг.
Ба иттилои манбаъ, барномаи дигари фарҳангӣ бахшида ба солгарди зодрӯзи Қудратулло Яҳёзода 16 декабр соати 17:00 дар Театри давлатии академии опера ва балети ба номи С. Айнӣ доир мегардад.
Имрӯз дар шаҳри Душанбе ҳаво то 44 дараҷа гарм мешавад
20 июл дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
