Шаҳрванди Афғонистон ҳангоми паҳн кардани пулҳои қалбакӣ дастгир гардид
ДУШАНБЕ, 09.12.2016 / АМИТ «Ховар»/. Тавре аз маркази робита бо ҷомеаи КДАМ ҶТ ба АМИТ «Ховар» иттилоъ доданд, дар натиҷаи гузаронидани амалиёти фаврӣ-ҷустуҷӯӣ кормандони раёсати КДАМ ҶТ дар ҳудуди ВМКБ шаҳрванди Афғонистон Шоҳиззат валади Сироҷиддинро бо ҷурми паҳн кардани пулҳои қалбакӣ бо асъори хориҷӣ ва сомонӣ дар назди бозори наздисарҳадии Рузваи ноҳияи Дарвоз дастгир карданд. Зимни азназаргузаронии шахсӣ аз номбурда ба миқдори зиёд маблағҳои қалбакии хориҷӣ ва сомонӣ дарёфт ва мусодира карда шуданд.
«Мувофиқи маълумоти фаврӣ шаҳрванди ҶИА Шоҳиззат валади Сироҷиддин, соли таваллудаш 1976, зода ва истиқоматкунандаи қарияи Руғанаки вулусволии Шикаи вилояти Бадахшони ҶИА аз гурӯҳҳои террористӣ ғайриқонунӣ асъори хориҷӣ ва сомонии қалбакӣ дастрас намудааст», — омадааст дар хабари маркази робита бо ҷомеаи КДАМ ҶТ.
Айни замон нисбат ба шаҳрванди ҶИА Шоҳиззат валади Сироҷиддин аз тарафи шуъбаи тафтишоти КДАМ ҶТ дар ВМКБ бо дастрасии моддаи 281-и КҶ ҶТ парвандаи ҷиноятӣ оғоз гардида, тафтишоти пешакӣ идома дорад.
«35 СОЛИ СОЗАНДАГӢ ВА РУШДИ МИЛЛӢ». Таҳти чунин унвон ҳамоиши илмӣ-амалӣ доир шуд
БАРОИ АЛОҚА, БАРОИ ОДАМОН, БАРОИ ҶУМҲУРӢ. МегаФон Тоҷикистон дар чоряк асри фаъолият чӣ корҳоро анҷом дод?
Тоҷикистон ва Иттиҳоди Аврупо ҳамкориро дар соҳаи саноати сабук густариш медиҳанд
ИМРӮЗ — РӮЗИ АВИАТСИЯИ ГРАЖДАНӢ. Аз Тоҷикистон ба зиёда аз 20 кишвари ҷаҳон парвозҳо ба роҳ монда шудааст
Имрӯз дар баъзе ноҳияҳои Тоҷикистон чангу ғубор ба амал меояд
ГРАНТИ ПРЕЗИДЕНТӢ. Давоми солҳои соҳибистиқлолӣ ба 1395 нафар занон беш аз 45 миллион сомонӣ грант ҷудо гардид
35-СОЛАГИИ ИСТИҚЛОЛИЯТИ ДАВЛАТӢ. Дар ин давра Тоҷикистон ба дастовардҳои рушди устувор ноил гардид
Имрӯз дар доманакӯҳҳои Тоҷикистон ҳаво то 35 дараҷа гарм мешавад
Имрӯз дар пойтахт Рӯзи фарҳанги вилояти Хатлон оғоз шуд
