Таъкиди зарурати такмили барномаҳо дар бахши омӯзишу парвариш, таҳсилоти касбии зиндониён ва рушди истеҳсолот дар асоси муассисаҳои ислоҳӣ дар Душанбе

Декабрь 20, 2016 13:49

ДУШАНБЕ, 20.11.2016 /АМИТ «Ховар»/. Имрӯз барои баррасии таҷрибаҳои умедбахш ва мушкилоти мавҷуда вобаста ба идораи барномаҳои барқарорсозӣ дар зиндонҳо зиёда аз 50 нафар таҳиягарони сиёсат, кормандони низоми адлия ва дигар коршиносон аз Осиёи Марказӣ ва дигар кишварҳо дар ҳамоише, ки дар шаҳри Душанбе баргузор гардид, ҷамъ омаданд.
Тавре ки хабарнигори АМИТ «Ховар» хабар медиҳад, ҳамоиши мазкур аз ҷониби Дафтари СММ оид ба маводи нашъаовар ва ҷинояткорӣ, Вазорати адлияи Ҷумҳурии Тоҷикистон ва Дафтари намояндагии ислоҳоти байналмилали зиндонҳо (PRI) ташкил карда шуд.
Дар ҷараёни ҳамоиш иштирокчиён зарурати такмили барномаҳоро дар бахши омӯзишу парвариш, таҳсилоти касбии зиндониён ва рушди истеҳсолот дар асоси муассисаҳои ислоҳӣ мутобиқи меъёрҳои байналмилалӣ таъкид намуданд.
«Татбиқи барномаҳо оид ба дубора шомилсозии иҷтимоӣ ҷузъи муҳими раванди баргардонидани маҳкумшудагон ба ҷомеа мебошад. Дар робита ба ин Ҳукумати Ҷумҳурии Тоҷикистон «Барномаи ташкили меҳнат ва истеҳсоли саноатиро дар муассисаҳои ислоҳии Ҷумҳурии Тоҷикистон барои солҳои 2015-2020» тасдиқ намуд. Барои татбиқи барномаи мазкур давлат маблағ ҷудо намуда, барои густариши ҳамкорӣ бо шарикони байналмилалӣ ҷиҳати ҷалби захираҳои иловагӣ талошҳо анҷом медиҳад»,-иброз дошт Илҳом Маҳмудзода, муовини сардори Сарраёсати иҷрои ҷазои ҷиноятии Вазорати адлияи Тоҷикистон зимни ҳамоиш.
Аҳамияти ҳаётии дубора шомилсозии иҷтимоии зиндониён дар ҷараёни Анҷумани 13-уми Дафтари СММ оид ба ҷилавгирии ҷинояткорӣ, ки соли 2015 дар шаҳри Доҳаи давлати Қатар баргузор гардид, таъкид шуд. «Аз ҳамон вақт инҷониб Дафтари СММ оид ба маводи нашъаовар ва ҷинояткорӣ бо кумаки молиявии Ҳукумати Қатар барномаи густурдаи ҷаҳониро барои татбиқи Эъломияи Доҳа, ки дар доираи он маҳз ҳамин фаъолиятҳо оид ба барқарорсозии зиндониён фаро гирифта мешаванд, шурӯъ намуд»,-шарҳ дод манбаъ.

Декабрь 20, 2016 13:49

Хабарҳои дигари ин бахш

АЗ ДИРАФШИ КОВИЁНӢ ТО ПАРЧАМИ ДАВЛАТӢ. Мулоҳизаҳо доир ба оини парчамдории тоҷикон дар масири таърих
Имрӯз дар водиҳои Тоҷикистон хаво 24 дараҷа гарм мешавад
Дар Ваҳдат Фестивали намоиш – фурӯши чорвои зотӣ баргузор гардид
Дар Душанбе ҳамоиши ҷавонони соҳаи геология баргузор гардид
Имрӯз дар ноҳияҳои алоҳидаи кӯҳии Тоҷикистон борон ва барф меборад
Имрӯз дар водиҳои Тоҷикистон ҳаво то 18 дараҷа гарм мешавад
Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад