Аҳтам Абдуллозода: «Рушди сиёсӣ, иҷтимоӣ, иқтисодӣ ва фарҳангии кишварҳо бе иштироки ҷавонон ғайриимкон аст»
ДУШАНБЕ, 27.01.2017 /АМИТ «Ховар»/. Имрӯз дар «Кохи афсарон»- и Вазорати мудофиаи Ҷумҳурии Тоҷикистон Анҷумани ғайринавбатии Иттифоқи ҷавонони Тоҷикистон баргузор гардид. Дар кори Анҷуман 82 нафар вакилон иштирок намуданд.
Аҳтам Абдуллозода, Раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон баён намуд, ки эълон гардидани соли 2017 ҳамчун Соли ҷавонон аз мавқеи махсус доштани ҷавонони ҷумҳурӣ дар сиёсати давлатии соҳибистиқлол гувоҳӣ медиҳад.
«Воқеан ҷавонон дар ҷаҳони муосир ҳамчун қувваи бузурги пешбаранда эътироф шудаанд. Имрӯз рушди сиёсӣ, иҷтимоӣ, иқтисодӣ ва фарҳангии ягон кишварро бе иштироки фаъолонаи ҷавонон тасаввур кардан ғайриимкон аст. Таҷрибаи солҳои охир дар ҷаҳони муосир нишон медиҳад, ки дар кори ба даст овардани сиёсати иқтисодӣ ва инкишофи усулҳои ҷомеа ҳамон кишварҳое муваффақ мегарданд, ки ба масъалаи ҷавонон таваҷҷуҳи хосса зоҳир менамоянд ва аз имкониятҳои фаровони ақлониву ҷисмонӣ ва неруи зеҳнии онҳо ба таври васеъ истифода мебаранд»,- гуфт Раиси Кумитаи ҷавонон .
Ҳамчунин Аҳтам Абдуллозода таъкид намуд, ки ҷавонон дар шароити имрӯза нисбат ба насли бузургтари худ ба воқеияти сиёсӣ ва иҷтимоиву иқтисодии муосир тезтар мутобиқ гардида, дар бунёди ҷомеаи устувор метавонанд саҳми босазо гузоранд.
Дар Ховалинг бахшида ба фаъолияти эҷодии шоир Ҳабибулло Файзулло маҳфили адабӣ доир мешавад
Дар ноҳияи Данғара ду коргоҳи истеҳсоли оксиген ба истифода дода шуд
Дар Донишгоҳи давлатии Хоруғ бахшида ба Рӯзи Ваҳдати миллӣ конфронси ҷумҳуриявӣ доир гардид
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
«Ҳар яки мо барои таҳкими ваҳдати сартосарӣ вазифадорем», — бардошт аз конференсия дар Донишгоҳи давлатии Кӯлоб
Бахшида ба таҷлили 2550-солагии Эъломияи ҳуқуқи башари Куруши Кабир дар Душанбе ҳамоиш доир шуд
Дурахши ситораҳо: дар Суғд мусобиқаҳои футболи кӯдакона доир гардиданд
Дар «Шарора» басти якуми истироҳат барои хонандагони ноҳияи Исмоили Сомонии пойтахт оғоз гардид
Кумитаи кор бо занон ва оила таҳти унвони «Ваҳдат – мароми модарон» конференсия доир менамояд
Дар басти аввал дар «Зимчуруд» 250 нафар кӯдакон ба истироҳат фаро гирифта шуданд
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Донишкадаи ҳуқуқи Сибир барои шаҳрвандони Тоҷикистон квотаи таҳсил ҷудо намуд
