Ҷавонони Япония дар чорабиниҳои фарҳангии Соли ҷавонон иштирок менамоянд
ДУШАНБЕ, 6.01.2017 /АМИТ «Ховар»/. Дар чорабиниҳои фарҳангие, ки дар Соли ҷавонон Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон давоми сол баргузор менамояд, ҷавонони Япония низ иштирок менамоянд. Ин даъват аз ҷониби Раиси Кумита Аҳтам Абдуллозода зимни вохӯрӣ бо Сафири Фавқулода ва Мухтори Япония Ҳаҷиме Китаока ба амал оварда шуд. Аҳтам Абдуллозода иброз намуд, ки ҷавонони ҳарду кишвар ба ин васила бо ҳаёт ва фарҳанги якдигар шинос шуда, барои дӯстию рафоқати ҷавонони ин кишварҳо заминаи устувор мегузоранд.
Тавре аз Кумитаи мазкур хабар доданд, зимни мулоқот ҷонибҳо вобаста ба ҳамкорӣ дар самти тарбияи ҷисмонӣ, варзиш ва кор бо ҷавонон мубодилаи афкор намуданд.
Аҳтам Абдуллозода қайд намуд, ки иқтидори васеи Кумита барои ҳамкориҳои манфиатбахшу эҳсосшаванда дар заминаи 132 мактабҳои варзишӣ мавҷуд мебошад, ки дар онҳо шумораи зиёди наврасону ҷавонон ҳамарӯза ройгон тамрин менамоянд ва дар он гуруҳҳои намуди ҷудо фаъолият менамояд, ки ба ин васила машқварзон аз фарҳанг ва таърихи мардуми Ҷопон огоҳӣ пайдо менамоянд.
Ҳаҷиме Китаока омодагии хешро барои ҳамкорӣ иброз намуда, зикр кард, ки дзюдо ин фарҳанги миллии Япония ба ҳисоб меравад ва он ба гӯштингирии миллии тоҷикон наздикӣ дорад.
Маҳз ҳамин наздикӣ аст, ки имрӯз наврасону ҷавонони зиёди миллати тоҷик ба намуди миллии гӯштини дзюдо рӯй овардаанд.
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
