Аз китобхонаи «Ганҷбахш»-и Покистон ба Китобхонаи миллии Тоҷикистон 134 номгў китобу маҷалла тақдим гардид
ДУШАНБЕ, 28.01.2017. /АМИТ «Ховар»/. Китобхонаи миллии Тоҷикистон дар доираи ҳамкориҳои фарҳангию байникитобхонавӣ ва тавассути мубодилаи байналмилалии китоб бо китобхонаҳои мухталифи мамлакатҳои хориҷӣ ҳамкорӣ намуда, бо китобхонаҳои 27 давлати ҷаҳон додугирифти китоб дорад. Байни Китобхонаи миллии Тоҷикистон ва 9 китобхонаҳои хориҷӣ Ёддошти тафоҳуми ҳамкорӣ амал мекунад.
Ахиран дар моҳи январи соли ҷорӣ бо ташаббуси Сафорати Ҷумҳурии Тоҷикистон дар Ҷумҳурии Исломии Покистон ва шахсан сафир Шералӣ Ҷононов ба Китобхонаи миллии Тоҷикистон яксаду сиву чаҳор (134) номгў китобу маҷалла тақдим гардид. Эҳдои мазкур аз китобхонаи «Ганҷбахш»-и Покистон сурат гирифтааст. Дар байни китобои ҳадяшуда аз ҷумла китоби арзишманди «Феҳристи муштараки нусхаҳои хаттии форсии Покистон» дар ҳашт (8) ҷилд, якчанд шумораи маҷаллаи адабии «Дониш», тазкираи «Махзан-ул- ғароиб» мавҷуд аст, ки барои пажўҳишгарони тоҷик ва толибилмон туҳфаи маънавии бебаҳост.
Ин бори аввал нест, ки тавассути Сафорати Ҷумҳурии Тоҷикистон дар Ҷумҳурии Исломии Покистон ба Китобхонаи миллии Тоҷикистон чунин ҳадяҳои арзишманд мерасанд. Соли гузашта низ нусхаҳои мутааддиди китобҳои дастхати нодири дар китобхонаҳои машҳури Покистон вуҷуддошта дар шакли электронӣ ба шуъбаи дастхатҳои Шарқ ва китобҳои нодири Китобхонаи миллӣ туҳфа шуда буд, ки фонди электронии нусхаҳои қаламиро ғанӣ гардонида буд.
Роҳбарияти Китобхонаи миллӣ ва кормандон аз ин ибтикори Сафорати Ҷумҳурии Тоҷикистон дар Ҷумҳурии Исломии Покистон ва сафири муҳтарами он сипосгузор буда, ба фаъолияти касбии дастандаркорони Сафорат комёбиҳо ва бурдбориҳо таманно менамоянд.
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
