«Барқи тоҷик»: Шурӯъ аз имрӯз таъминоти барқ боз як соат зиёд шуд
ДУШАНБЕ, 6.01.2017 /АМИТ «Ховар»/. Ширкати саҳҳомии холдингии кушодаи «Барқи тоҷик» ба маълумоти тамоми сокинони кишвар мерасонад, ки вобаста ба муҳайё гардидани иқтидорҳои нави истеҳсоли барқ барои манотиқе, ки мутобиқи ҷадвали маҳдудият барқ мегиранд, аз имрӯз, 6 январи соли 2017 таъминоти барқ боз як соат зиёд шуд.
Ба иттилои ШСХК «Барқи тоҷик», шурӯъ аз имрӯз тамоми соҳаҳои иқтисодиёт ва аҳолии ҷумҳурӣ аз соати 5-и субҳ то соати 23.00 бемаҳдудият бо барқ таъмин карда мешаванд. Акнун сокинони навоҳии кишвар ба ҷои 12 соат неруи барқи пешина 18 соат бо барқ таъмин мешаванд.
Дар даврони Истиқлолияти давлатии Ҷумҳурии Тоҷикистон бо мақсади бартараф кардани норасоии неруи барқ бо ҷалби сармояи хориҷӣ ва ватанӣ неругоҳҳои барқи обии Сангтӯда-1, Сангтӯда-2 ва як қатор неругоҳҳои хурди барқи обӣ мавриди истифода қарор гирифтанд. Таҷдиду навсозии иқтидорҳои истеҳсолии мавҷуда оғоз шуданд. Инчунин хатҳои интиқоли барқи баландшиддати 500, 220, 110 киловолта ва зеристгоҳҳои барқии пуриқтидор бунёд гардиданд.
Соли 2016 бо ин мақсад навбати дуюми Маркази барқу гармидиҳии Душанбе-2 бо иқтидори иловагии 300 мегаватт ба истифода дода шуд ва дар маросими ифтитоҳи он Президенти Ҷумҳурии Тоҷикистон, Асосгузори сулҳу вахдати миллӣ, Пешвои миллат муҳтарам Эмомалӣ Раҳмон иштирок намуданд. Айни замон Маркази барқу гармидиҳии Душанбе- 2 бо иқтидори 400 мегаватт фаъолият намуда, соҳаҳои иқтисоди миллӣ ва аҳолии ҷумҳурӣ бо барқ таъмин гардида истодаанд.
Бо иқтидори пурра ба истифода додани Маркази барқу гармидиҳии Душанбе-2 ба мо шароит фароҳам овард, ки таъмини неруи барқро ба аҳолӣ нисбат ба солҳои пешин беҳтар намоем.
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
