Бонки ҷаҳонӣ ҳавасманди васеъ намудани барномаҳои худ дар Ҷумҳурии Тоҷикистон мебошад
ДУШАНБЕ, 18.01.2017 /АМИТ «Ховар»/. Дар моҳҳои наздик интизор меравад, ки Шӯрои директорони Бонки ҷаҳонӣ лоиҳаи нав оид ба маблағгузории таҷдиду барқарорсозии Неругоҳи барқии обии «Норак»-ро тасдиқ намояд. Ин матлабро имрӯз ноиби Президенти Бонки ҷаҳонӣ оид ба Аврупо ва Осиёи Марказӣ Сирил Мюллер баъди мулоқот бо Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон иброз намуд.
Ба таъкиди Сирил Мюллер, лоиҳаи мазкур дар ҳолати тасдиқ шуданаш яке аз лоиҳаҳои калонтарин хоҳад буд, ки Бонки ҷаҳонӣ дар Ҷумҳурии Тоҷикистон амалӣ месозад.
Ноиби Президенти Бонки ҷаҳонӣ ҳамчунин иброз намуд, ки зимни мулоқот ба масъалаҳои рушди энергетика, об, инфрасохтор, таъсиси ҷойҳои нави корӣ барои аҳолии ҷавон ва беҳтар намудани сатҳи некуаҳволии мардуми Тоҷикистон эътибори хоса зоҳир гардид.
«Бонки ҷаҳонӣ ҳавасманди васеъ намудани барномаҳои худ дар Ҷумҳурии Тоҷикистон мебошад. Ҷумҳурии Тоҷикистон имрӯз дар ҷодаи мусоидат ба рушди минтақавӣ пешоҳангии хуб нишон дода истодааст. Ман умедвор ҳастам, ки Бонки ҷаҳонӣ метавонад дар оянда чунин ташаббусҳоро оид ба рушди ҳамкории минтақавӣ дастгирӣ намояд»,-илова намуд Сирил Мюллер.
Бонки ҷаҳонӣ интизор аст, ки барои амалӣ шудани ду мақсади асосии худ—кам кардани сатҳи камбизоатӣ ва таъмин намудани рушд бо иштироки тамоми кишварҳои ҷаҳон ҳамкориро давом диҳад.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
