«Бонки Эсхата» дар шаҳри Ваҳдат боз як Маркази хизматрасонии бонкӣ ифтитоҳ кард

ДУШАНБЕ, 06.01.2017. /АМИТ «Ховар»/. ҶСК «Бонки Эсхата» боз як Маркази хизматрасонии бонкиро барои сокинони шаҳри Ваҳдат ифтитоҳ кард. Бинои нав дар маркази шаҳр, дар наздикии бозор ҷойгир аст. Аз ин рӯ ин маркази хизматрасонии бонкӣ барои мизоҷон мувофиқ аст.
«Маҳз ба шарофати он, ки ба кори марказ мутахассисони ботаҷрибаи бонкӣ ҷалб карда шуданд, мо умед мебандем, ки натиҷаҳои хуби фаъолияти кориро дар муддати кӯтоҳ ба даст орем»,- иброз дошт директори филиали «Бонки Эсхата» дар шаҳри Ваҳдат Наргис Назарова.
Дар ин марказ мизоҷон метавонанд аз хизматрасониҳои бонкӣ, ба мисли интиқоли пулӣ, мубодилаи асъор, пешниҳоди қарз ва қабули пардохтҳо, қабули пасандозҳо, амалиёт бо кортҳои пластикӣ ва ғайра истифода баранд.