Боздиди ҷавонони Қӯрғонтеппа аз «Сафед-дара»

ҚӮРҒОНТЕППА, 24.01.2017 /АМИТ «Ховар»/. Бо дастгирии мақомоти иҷроияи маҳаллии ҳокимияти давлатии шаҳри Қӯрғонтеппа ба муносибати Соли ҷавонон эълон гардидани соли 2017 26 нафар ҷавонони фаъоли шаҳр таҳти роҳбарии мудири бахши ҷавонон, варзиш ва сайёҳии шаҳр аз минтақаи сайёҳии «Сафед-дара» дидан карданд. Тавре ба хабарнигори минтақавии АМИТ «Ховар» аз Раёсати кор бо ҷавонон, варзиш ва сайёҳии вилояти Хатлон иттилоъ доданд, саёҳати ҷавонон ба хотири рушди соҳаи туризм ва варзиш дар кишвар роҳандозӣ гардид.
Боздид аз «Сафед-дара» бори аввал набуда, зимистони соли гузашта низ барои истироҳат гурӯҳи калони ҷавонони шаҳр бо дастгирии раиси шаҳри Қӯрғонтеппа дар ин мавзеи хушманзара таътили зимистонаи худро гузарониданд.