Дар ДСТР 189 шаҳрванди хориҷӣ аз 13 кишвари ҷаҳон таҳсил доранд
![](https://khovar.tj/wp-content/uploads/2017/01/RTSU_0568.jpg)
ДУШАНБЕ, 13.01.2017. /АМИТ «Ховар»/. Яке аз самтҳои афзалиятноки фаъолияти байналмилалии ДСТР қабули шаҳрвандони хориҷӣ мебошад. То моҳи декабри соли 2016 миқдори умумии шаҳрвандони хориҷӣ, ки дар ДСТР таҳсил мекунанд, 189 нафарро аз 13 кишвари ҷаҳон ташкил дод. Аз ҷумла, аз Озарбойҷон-2 нафар, Арманистон-2, Афғонистон-6, Германия-1, Эрон-4, Қазоқистон-4, Қиғизистон-2, Корея-2, Россия-80, Туркманистон-15, Ӯзбекистон-8, Эстония-1 нафар дар донишгоҳ таҳсил доранд. Ин нуктаро имрӯз зимни нишасти матбуотӣ ректори Донишгоҳи славянии Россияву Тоҷикистон Нуралӣ Салихов баён дошт.
«Донишгоҳ бо донишгоҳҳои хориҷӣ 96 шартномаи ҳамкорӣ дорад. Дар давраи ҳисоботӣ бо донишгоҳҳои хориҷӣ 11 созишнома баста шуд, аз ҷумла, бо Донишгоҳи миллии тадқиқотии техникии Иркутск (ФР), Институти сиёсатшиносӣ ва ҳуқуқшиносии Гансуй, Донишгоҳи давлатии Омск ба номи Ф.М. Достоевский (ФР) ва Донишгоҳи Синтсзян (Чин)»,-иброз дошт Нуралӣ Салихов.