Дар вилояти Хатлон 31 лоиҳаи давлатии сармоягузорӣ татбиқ мешавад

ҚӯРҒОНТЕППА, 11.01.2017 /АМИТ «Ховар»/.  Дар соли 2016 ба буҷети вилояти Хатлон 802 миллион сомонӣ маблағ ворид карда шуд, ки нисбат ба соли 2015-ум 54,0 миллион ва нисбат ба  нақшаи тасдиқшуда 17,4 миллион сомонӣ зиёд мебошад.
Тавре  ба  хабарнигори  минтақавии  АМИТ «Ховар»  аз  мақомоти иҷроияи  ҳокимияти  давлатии  вилоят  иттилоъ  доданд, дар  ин  давра гардиши савдои мол ба 3 миллиарду 883 миллион сомонӣ расида, нисбат ба соли 2015-ум 16,4 фоиз афзоиш ёфт.
Ба  иттилои  манбаъ, дар соли 2016 дар вилоят 31 лоиҳаи давлатии сармоягузорӣ амалӣ шуда истодааст, ки маблағи истифодашуда 424,5 миллион доллари амрикоиро ташкил медиҳад.