Донишҷӯёни ихтисосҳои туризм барои таҷрибаомӯзӣ ба «Сафед-дара» сафарбар мешаванд
ДУШАНБЕ, 31.01.2017 /АМИТ «Ховар»/. Раёсати Донишкадаи соҳибкорӣ ва хизмати Вазорати саноат ва технологияҳои нави Ҷумҳурии Тоҷикистон бо Раёсати Маҷмааи лижаронию сайёҳии «Сафед-дара» шартномаи ҳамкорӣ баста, минбаъд донишҷӯёни ихтисосҳои туризми донишкадаро барои таҷрибаомӯзӣ ба ин мавзеъ сафарбар мекунад. Бо ин мақсад донишҷӯёни риштаи туризми донишкада аз Маҷмааи лижаронию сайёҳии «Сафед-дара» дидан намуданд.
Тавре ки аз раёсати донишкада ба АМИТ «Ховар» иттилоъ доданд, шиносоӣ аз чунин маҷмаа дар такмили донишҳои тахассусии донишҷӯён саҳми назаррас мегузорад.
Бино ба иттилои донишкада, мақсад аз сафар ба Маҷмааи лижаронию сайёҳии «Сафед-дара»- шиносоӣ бо имконияту дастовардҳо дар рушди инфрасохтори сайёҳӣ ва варзиши зимистонаи мамлакат буд.
Маҷмааи лижаронию сайёҳии «Сафед-дара» ягона мавзеи сайёҳии лижаронӣ дар мамлакат буда, дар километри 57-уми шаҳри Душанбе, дар баландии 2400 метр аз сатҳи баҳр ҷойгир шудааст. Маҷмаа дорои инфрасохтори зарурии замонавӣ буда, барои баргузории мусобиқаҳои зимистона ва истироҳату фароғати меҳмонону сокинони мамлакат тамоми шароитро дорост.
Устодону донишҷӯёни донишкада бо шароити ин мавзеи варзишию сайёҳӣ, аз ҷумла меҳмонхонаи чорошёнаи барҳавою замонавӣ, нуқтаи нигоҳдории барфгардҳо, тарабхонаю марказҳои савдо ва мавзеъҳои лижаронию барфгардӣ ошно шуда, аз хизматрасонии тамоми таҷҳизоту воситаҳои варзишию дилхушии мавзеъ истифода намуданд.
Дар маҷмаа инфрасохтори иловагӣ, аз қабили тарабхона, мағозаи фурӯши асбобу лавозимоти лижаронӣ, нуқтаҳои иҷораи лавозимоти лижаронӣ, барфгард ва ғайра сохта шудаанд.
Дар маҷмаа мутахассисони ботаҷрибаи соҳаи варзиши зимистона, мураббиёну роҳбаладон барои муаррифии мавзеъ ва дигар ҳайати хизматрасон, ки барои фароғати сайёҳону меҳмонон дар сатҳи олӣ хизмат мерасонанд, фаъолият доранд.
Омодагӣ ба соли нави хониш дар ҷаласаи Кумита оид ба таҳсилоти ибтидоӣ ва миёнаи касбӣ баррасӣ шуд
Масъалаи ташкили ковишҳои бостоншиносӣ дар мавзеи «Дараи Алмосӣ» баррасӣ гардид
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
