Фарҳод Раҳимӣ: «Паём муҳтавои тамоми ҷабҳаҳои ҳаёти моро дар худ таҷассум мекунад»

ДУШАНБЕ, 14.01.2017. /АМИТ «Ховар»/. Дар Кумитаи иҷроияи ибтидоии «Хирадмандон»-и Академияи илмҳои Ҷумҳурии Тоҷикистон ҷаласаи ҳизбӣ оид ба ҳисоботи солонаи Кумитаи иҷроияи ибтидоии «Хирадмандон» дар соли 2016, вазифаҳо барои соли 2017 ва баррасии самтҳои асосии Паёми Пешвои миллат ба Маҷлиси Олӣ баргузор гардид.
Фарҳод Раҳимӣ, Раиси Кумитаи иҷроияи ибтидоии «Хирадмандон» аз нуктаҳои асосии Паёми Пешвои миллат муҳтарам Эмомалӣ Раҳмон ва қабули қатъномаи СММ оид ба ташаббуси Ҷумҳурии Тоҷикистон барои даҳсолаи «Об барои рушди устувор» ёдовар шуда, чунин гуфт: «Паём муҳтавои тамоми ҷабҳаҳои ҳаёти моро дар худ таҷассум карда, фаъолияти минбаъдаи моро дар самти ободкориву тараққиёт муайян сохт. Беҳтарин саҳми Тоҷикистон дар ободсозии ҷаҳони муосир- ин аз ҷониби СММ қабул шудани пешниҳоди Тоҷикистон дар бораи Даҳсолаи байналмиллалии амал «Об барои рушди устувор», солҳои 2016-2028 мебошад».