«Мо, ҷавонон аз ташаббусҳои Пешвои миллат ифтихор дорем!»

ДУШАНБЕ, 19.01.2017. /АМИТ «Ховар»/. 18 январи соли равон бо иштироки Маҳфили стипендиагирандагони ҷавони назди Кумитаи ҷавонон, варзиш ва сайёҳӣ дар мавзӯи «Мо ҷавонон аз ташаббусҳои Пешвои миллат ифтихор дорем!» суҳбат доир гардид.
Сараввал иштирокчиён муроҷиатномаи Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро ба мардуми кишвар доир ба пурра аз байн бардоштани меъёри маҳдудияти таъмини аҳолӣ неруи барқ тамошо намуда, атрофи ташаббусҳои созандаи Пешвои миллат суҳбат намуданд.
Саъдулло Юсупов, роҳбари Маҳфил аз иштирокчиён даъват ба амал овард, ки байни атрофиён корҳои фаҳмондадиҳӣ гузаронида, онҳоро ба самаранок истифода бурдани неруи барқ даъват намоянд.
Ҳамчунин иштирокчиён дар мавзӯъҳои «Эмомалӣ Раҳмон-наҷотбахши сайёра», «Эмомалӣ Раҳмон-муаррифгари Тоҷикистони муосир дар ҷаҳон», «Об-манбаи ҳаёт», «Роғун-ҳаёту мамоти Тоҷикистон» , «Роҳ-пайвандгари қарнҳо», «Истиқлолияти энергетикӣ-орзуву умеди мардуми тоҷик» доир ба ҳадафҳои созандаи давлату ҳукумати кишвар андешаҳояшонро баён намуданд.