Ҷоизаи Иттифоқи журналистон довталабонро интизор аст
ДУШАНБЕ, 31.01.2017 /АМИТ «Ховар»/. Қабули ҳуҷҷатҳои довталабон барои дарёфти Ҷоизаи Иттифоқи журналистони Тоҷикистон ба номи Абулқосим Лоҳутӣ дар соли 2016 идома дорад. Тавре раиси Иттифоқи журналистони мамлакат З.Исмоилзода ба АМИТ «Ховар» иттилоъ дод, довталабон метавонанд ба бахшҳои матбуот, телевизион, радио ва илмӣ тадқиқотӣ маводи аз 11 марти соли 2016 то 31 декабри соли 2016 таълифнамудаи худро ба Кумитаи ҷоизаҳои Иттифоқи журналистони Тоҷикистон бо нишонии шаҳри Душанбе, кӯчаи Беҳзод, 25, ошёнаи 1 пешниҳод намоянд.
Муҳлати охирини пешниҳоди мавод 17 феврали соли 2017 таъйин шудааст.
Зиннатуло Исмоилзода ҳамчунин изҳор кард, ки қабули ҳуҷҷатҳои довталабон ба дарёфти Ҷоизаи Иттифоқи журналистони Тоҷикистон ба номи Воҳид Асрорӣ дар соли 2016 идома дорад. Ҷоизаи мазкур барои донишҷӯёни факултаҳои журналистии донишгоҳҳои ҷумҳурӣ пешбинӣ шуда, довталабон метавонанд маводи дар давраи аз 11 марти соли 2016 то 31 декабри соли 2016 дар ВАО нашршударо ба Кумитаи ҷоизаҳои Иттифоқи журналистони Тоҷикистон бо нишонии шаҳри Душанбе, кӯчаи Беҳзод, 25, ошёнаи 1 пешниҳод намоянд.
Мавриди зикр аст, ки Ҷоизаи Иттифоқи журналистони Тоҷикистон ба номи Абулқосим Лоҳутӣ дар рӯзи матбуоти тоҷик — 11 марти соли 2017 супорида мешавад. Ба ғолибон мукофоти пулӣ, шаҳодатномаи ғолибияти Ҷоиза ва нишони сарисинагии Ҷоиза тақдим карда мешаванд.
Имрӯз дар Тоҷикистон раъду барқ ба амал меояд
Варзишгарони паралимпии Тоҷикистон бо 37 медал ба Ватан баргаштанд
Шарҳи расмии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон оид ба раддабандии ҷумҳурӣ аз лиҳози ифлосшавии ҳавои атмосферӣ
Имрӯз дар баъзе ноҳияҳои Тоҷикистон борони кӯтоҳмуддат меборад
Имрӯз дар Тоҷикистон чангу ғубор ба амал меояд
МегаФон Тоҷикистон дар ҷумҳурӣ нахустин пайвасткунии тарофаҳо ва хизматрасониҳоро тавассути сомонаи расмӣ ба роҳ монд
Имрӯз дар Тоҷикистон ҳавои тағйирёбанда пешгӯӣ мешавад
Дар Бохтар оид ба даъвати баҳории ҷавонон ба хизмати ҳарбӣ ҳамоиш баргузор гардид
Имрӯз дар водиҳои Тоҷикистон ҳаво то 27 дараҷа гарм мешавад
Зудтару дақиқтар: дар Тоҷикистон сифати хизматрасониҳои мобилиро беҳтар мекунанд
Имрӯз дар шаҳри Душанбе ҳаво то 27 дараҷа гарм мешавад
Имрӯз дар Тоҷикистон ҳаво абрнок шуда, борон меборад
